بگ بیش لیگ کی سیمی فائنل لائن اپ مکمل، سیمی فائنل مرحلے کا آغاز 14 فروری سے ہو گا

سڈنی ۔ 10 فروری (اے پی پی) بگ بیش لیگ کی سیمی فائنل لائن اپ مکمل ہو گئی، سیمی فائنل مرحلے کا آغاز 14 فروری سے ہو گا۔ آسٹریلیا میں جاری بی بی ایل کا آٹھواں ایڈیشن اختتامی مراحل کی طرف گامزن ہے اور چار ٹاپ ٹیموں ہوبارٹ ہریکنز، میلبورن سٹارز، میلبورن رینی گیڈز اور سڈنی سکسرز نے شاندار کھیل کی بدولت لاسٹ فور میں جگہ بنا رکھی ہے۔ ایونٹ کا پہلا سیمی فائنل 14 فروری کو ہوبارٹ ہریکنز اور میلبورن سٹارز کے درمیان کھیلا جائے گا جبکہ 15 فروری کو شیڈول دوسرے سیمی فائنل میں میلبورن رینی گیڈز اور سڈنی سکسرز کی ٹیمیں آمنے سامنے ہوں گی۔ واضح رہے کہ دو ٹاپ ٹیموں کے درمیان فائنل 17 فروری کو کھیلا جائے گا۔

Reference: http://urdu.app.com.pk

کولن منرو کی دھواں دار بیٹنگ، نیوزی لینڈ نے بھارت کو فیصلہ کن ٹی ٹونٹی انٹرنیشنل میچ میں دلچسپ مقابلے کے بعد 4 رنز ہرا دیا

ہملٹن ۔ 10 فروری (اے پی پی) کولن منرو کی دھواں دار بیٹنگ کی بدولت نیوزی لینڈ نے بھارت کو آخری اور فیصلہ کن ٹی ٹونٹی انٹرنیشنل کرکٹ میچ میں دلچسپ مقابلے کے بعد 4 رنز سے شکست دے کر تین میچوں کی سیریز 2-1 سے جیت لی، میزبان ٹیم نے پہلے کھیلتے ہوئے مقررہ اوورز میں 4 وکٹوں کے نقصان پر 212 رنز بنائے، منرو نے جارحانہ بیٹنگ کرتے ہوئے حریف باﺅلرز کی خوب درگت بنائی اور 72 رنز کی اننگز کھیل کر ٹیم کی پوزیشن مستحکم کی، جواب میں بھارتی ٹیم ہدف کے قریب پہنچ کر ہمت ہار گئی اور مقررہ اوورز میں 6 وکٹوں کے نقصان پر 208 رنز بنا سکی، بھارتی کھلاڑی جارحانہ بیٹنگ کرنے کے باوجود ٹیم کو شکست سے نہ بچا سکے، وجے شنکر 43 رنز بنا کر نمایاں رہے، کارتھک 33 اور کرونل پانڈیا 26 رنز بنا کر ناٹ آﺅٹ رہے، مچل سینٹنر اور ڈیرل مچل نے 2، 2 وکٹیں لیں، منرو میچ اور سیفرٹ سیریز کے بہترین کھلاڑی قرار پائے۔

Reference: http://urdu.app.com.pk

آخری ٹیسٹ، انگلینڈ نے ویسٹ انڈیز کے خلاف پہلی اننگز میں 4 وکٹوں کے نقصان پر 231 رنز بنا لئے

سینٹ لوشیا۔10 فروری(اے پی پی) انگلینڈ نے ویسٹ انڈیز کے خلاف تیسرے اور آخری کرکٹ ٹیسٹ میچ کے پہلے روز کھیل ختم ہونے تک اپنی پہلی اننگز میں 4 وکٹوں کے نقصان پر 231 رنز بنا لئے تھے، 107 رنز پر 4 وکٹیں گرنے کے بعد جوز بٹلر اور بین سٹوکس کالی آندھی کے باﺅلرز کے سامنے ڈٹ گئے، دونوں بلے بازوں نے مشکل وقت میں انتہائی شاندار اور ذمہ دارانہ بیٹنگ کا مظاہرہ کرتے ہوئے پانچویں وکٹ میں 124 ناقابل شکست رنز جوڑ کر ٹیم کو تباہی سے بچا لیا، بٹلر 67 اور سٹوکس 62 رنز بنا کر وکٹ پر موجود ہیں، کیموپال نے 2 وکٹیں لیں۔ گراس آئس لٹ میں شروع ہونے والے آخری ٹیسٹ میچ میں ویسٹ انڈین قائد کریگ بریتھویٹ نے ٹاس جیت کر پہلے انگلش ٹیم کو بیٹنگ کی دعوت دی تو مہمان ٹیم کی اننگز کا آغاز کچھ زیادہ اچھا نہ تھا اور 30 کے سکور پر اسے کیٹن جیننگز کا نقصان اٹھانا پڑا جو 8 رنز بنا کر کیموپال کا نشانہ بنے، روری برنز 29 رنز بنا کر کیموپال کی گیند پر ایل بی ڈبلیو آﺅٹ ہوئے، جوئے ڈینلی 20 رنز بنا کر چلتے بنے، جوروٹ ایک بار پھر کپتان کی اننگز کھیلنے میں ناکام رہے اور 15 رنز بنا کر جوزف کی گیند پر کیچ آﺅٹ ہوئے

Reference: http://urdu.app.com.pk

نیوزی لینڈ اور بھارت کی ویمن ٹیمیں فیصلہ کن ٹی ٹونٹی میچ میں (کل)مدمقابل ہوں گی

ہملٹن ۔ 9 فروری (اے پی پی) نیوزی لینڈ اور بھارت کی ویمن کرکٹ ٹیموں کے درمیان تین ٹی ٹونٹی انٹرنیشنل میچوں پر مشتمل سیریز کا آخری میچ (کل) اتوار کو ہملٹن میں کھیلا جائے گا، میزبان ٹیم کو تین میچوں کی سیریز میں 2-0 کی فیصلہ کن برتری ہے، نیوزی لینڈ ویمن نے بھارت ویمن کو پہلے ٹی ٹونٹی میچ میں 23 رنز اور دوسرے میچ میں 4 وکٹوں سے شکست دی تھی۔ نیوزی لینڈ ویمن ٹیم آخری میچ جیت کر بھارت ویمن کو سیریز میں 3-0 سے وائٹ واش کرنے کیلئے پر عزم ہے تاہم دوسری جانب بھارتی ویمن ٹیم بھی فتح کے ساتھ دورے کا اختتام کرنے کی خواہاں ہے اسلئے دونوں ٹیموں کے درمیان دلچسپ مقابلے کی توقع کی جا رہی ہے۔

Reference: http://urdu.app.com.pk

آئی سی سی ویمن کرکٹ چیمپئن شپ، پاکستان نے ویسٹ انڈیز کو دوسرے ایک روزہ میچ میں 34 رنز سے ہرا دیا

دبئی ۔ 9 فروری (اے پی پی) آئی سی سی ویمن کرکٹ چیمپئن شپ میں سدرہ امین اور ندا ڈار کی شاندار بیٹنگ، دیانا بیگ اور ثناء میر کی عمدہ بائولنگ کی بدولت پاکستان ویمن ٹیم نے ویسٹ انڈیز ویمن کو دوسرے ایک روزہ میچ میں 34 رنز سے شکست دے دی، پاکستانی ویمن ٹیم پہلے کھیلتے ہوئے 49.4 اوورز میں 240 رنز بنا کر آئوٹ ہو گئی، سدرہ امین نے 96 اور ندا ڈار نے 81 رنز کی دلکش اننگز کھیلیں، جواب میں ویسٹ انڈین ویمن ٹیم مطلوبہ ہدف کے تعاقب میں 49.4 اوورز میں 206 رنز بنا کر آئوٹ ہو گئی، میک لین کی 82 رنز کی اننگز بھی ٹیم کو شکست سے نہ بچا سکی، دیانا بیگ نے 4 اور ثناء میر نے 3 کھلاڑیوں کو آئوٹ کیا، سدرہ امین میچ کی بہترین کھلاڑی قرار پائیں۔ ہفتہ کو دبئی میں کھیلے گئے دوسرے ایک روزہ میچ میں پاکستانی ویمن ٹیم پہلے کھیلتے ہوئے 49.4 اوورز میں 240 رنز بنا کر آئوٹ ہو گئی، سدرہ امین اور ندا ڈار نے انتہائی شاندار بلے بازی کا مظاہرہ کرتے کرتے ہوئے حریف بائولرز کی خوب درگت بنائی، سدرہ امین 96 اور ندا 81 رنز بنا کر نمایاں رہیں،

Reference: http://urdu.app.com.pk