پہلا ٹیسٹ، نیوزی لینڈ کی ٹیم پہلی اننگز میں 249 رنز بنا کر آﺅٹ

گال ۔ 15 اگست (اے پی پی) آئی سی سی ورلڈ ٹیسٹ چیمپئن شپ کے سلسلے میں نیوزی لینڈ کی ٹیم سری لنکا کے خلاف پہلے ٹیسٹ میچ کی پہلی اننگز میں 249 رنز بنا کر آﺅٹ ہو گئی، روز ٹیلر 86 رنز بنا کر نمایاں رہے، دانن جایا نے 5 اور لکمل نے 4 کھلاڑیوں کو آﺅٹ کیا۔ جواب میں سری لنکن ٹیم نے دوسرے روز کھیل ختم ہونے تک اپنی پہلی اننگز میں 7 وکٹوں پر 227 رنز بنا لئے تھے اور اسے کیویز کی پہلی اننگز کا سکور برابر کرنے کیلئے مزید 22 رنز درکار ہیں، 161 رنز پر 7 وکٹیں گرنے کے بعد نیروشن ڈکویلا اور سرنگا لکمل حریف باﺅلرز کے سامنے ڈٹ گئے، ڈکویلا 39 اور لکمل 28 رنز بنا کر وکٹ پر موجود ہیں، کوسل مینڈس 53 اور میتھیوز 50 رنز بنا کر نمایاں رہے، اعجاز پٹیل نے 5 وکٹیں لیں۔

Reference: http://urdu.app.com.pk

علیم ڈار نے اسٹیوبکنر کا زیادہ ٹیسٹ میچز سپروائز کرنے کا عالمی ریکارڈ برابر کر دیا

لارڈز ۔ 15 اگست (اے پی پی) پاکستانی ایمپائر علیم ڈار نے ٹیسٹ کرکٹ کی تاریخ میں سابق ایمپائر اسٹیوبکنر کا زیادہ میچز سپروائز کرنے کا عالمی ریکارڈ برابر کر دیا۔ علیم ڈار نے جمعرات کو آسٹریلیا اور انگلینڈ کی ٹیموں کے درمیان شروع ہونے والے دوسرے ایشز ٹیسٹ میچ میں یہ کارنامہ انجام دیا، دونوں ایمپائرز نے یکساں 128 ٹیسٹ میچز سپروائز کر رکھے ہیں۔ علیم ڈار نے زیادہ ٹیسٹ میچز سپروائز کرنے کا عالمی ریکارڈ برابر کرنے کو پاکستان اور اپنے لئے اعزاز قرار دیا ہے۔ انہوں نے کہا کہ بکنر میرے رول ماڈل ہیں، ان کے ٹیسٹ میچز کے ریکارڈ کو برابر کرنا میرے لئے اعزاز کی بات ہے اور اس موقع پر میں انٹرنیشنل کرکٹ کونسل کے ساتھ ساتھ اپنے اہل خانہ اور دوستوں کا بھی شکریہ ادا کرتا ہوں ان کی سپورٹ کے بغیر اس مقام پر پہنچا ممکن نہیں تھا۔

Reference: http://urdu.app.com.pk

کرس گیل کا ون ڈے انٹرنیشنل کرکٹ سے ریٹائرمنٹ کے فیصلے پر ایک بار پھر یوٹرن اگلے نوٹس تک ٹیم کو دستیاب ہوں گا، جارح مزاج بلے باز

پورٹ آف سپین ۔ 15 اگست (اے پی پی) جارح مزاج ویسٹ انڈین بلے باز کرس گیل نے ون ڈے انٹرنیشنل کرکٹ سے ریٹائرمنٹ کے فیصلے پر ایک بار پھر یوٹرن لے لیا اور کہا کہ میں نے ابھی انٹرنیشنل کرکٹ سے ریٹائرمنٹ کا اعلان نہیں کیا اور اگلا نوٹس ملنے تک ٹیم کو دستیاب ہوں گے۔ بھارت کے خلاف تیسرے اور آخری ون ڈے کو گیل کے کیریئر کا آخری ون ڈے انٹرنیشنل میچ سمجھا جا رہا تھا، اس میچ میں ان کیلئے خصوصی طور پر 301 نمبر کی شرٹ بھی تیار کروائی گئی تھی۔ گیل 72 رنز بنا کر جب آﺅٹ ہوئے تو انہوں نے بھارتی کھلاڑیوں سے ہاتھ ملایا اور پویلین واپسی پر بیٹ کے ساتھ ہیلمٹ کو بھی لہرایا۔ اس موقع پر شائقین نے بھی تالیاں بجاکر انہیں گراونڈ سے رخصت کیا اور ایسا محسوس ہو رہا تھا کہ وہ ویسٹ انڈیز کیلئے آخری ون ڈے میچ کھیل چکے ہیں لیکن میچ ختم ہونے کے بعد گیل نے کہا کہ انہوں نے ابھی ون ڈے انٹرنیشنل کرکٹ سے ریٹائرمنٹ کا اعلان نہیں کیا اور بورڈ کی طرف سے اگلا نوٹس ملنے تک ٹیم کو دستیاب ہوں گے۔ انہوں نے کہا کہ میں ابھی مکمل طور پر فٹ ہوں اسلئے مزید کچھ عرصے تک ملک کی طرف سے کھیلنا چاہتا ہوں۔

Reference: http://urdu.app.com.pk

اوساکا، کزنٹسوا، سٹیفنز، کینن اور میڈیسن کیز نے سنسناٹی ماسٹرز ٹینس ویمنز سنگلز پری کوارٹر فائنل میں جگہ بنا لی

واشنگٹن ۔ 15 اگست (اے پی پی) ناﺅمی اوساکا، سوتیلانا کزنٹسوا، سیلونی سٹیفنز، سوفیا کینن اور میڈیسن کیز پیش قدمی کے تسلسل کو برقرار رکھتے ہوئے سنسناٹی ماسٹرز ٹینس ٹورنامنٹ ویمنز سنگلز پری کوارٹر فائنل میں پہنچ گئیں۔

Reference: http://urdu.app.com.pk

سنسناٹی ماسٹرز ٹینس، کیرن خچانووف، باٹسٹا ایگٹ، لیوکاس، منارینو اور میومیر مینز سنگلز پری کوارٹر فائنل میں پہنچ گئے

واشنگٹن ۔ 15 اگست (اے پی پی) کیرن خچانووف، روبرٹو باٹسٹا ایگٹ، لیوکاس پاﺅلی، ایڈرین منارینو اور میومیر کسمانووچ فتوحات برقرار رکھتے ہوئے سنسناٹی ماسٹرز ٹینس ٹورنامنٹ مینز سنگلز پری کوارٹر فائنل میں پہنچ گئے۔

Reference: http://urdu.app.com.pk