رسل ڈومینگو بنگلہ دیش کرکٹ ٹیم کے نئے ہیڈکوچ مقرر ہو گئے

ڈھاکہ۔ 17 اگست (اے پی پی) بنگلہ دیش کرکٹ بورڈ (بی سی بی) نے سابق جنوبی افریقن کوچ رسل ڈومینگو کو مینز ٹیم کا نیا ہیڈ کوچ مقرر کر دیا۔ ڈومینگو کو خالد محمود کی جگہ یہ ذمہ داری دی گئی ہے جنہیں حال ہی میں دورہ سری لنکا کیلئے ٹیم کا عبوری کوچ مقرر کیا گیا تھا، ڈومینگو21 اگست سے اپنی ذمہ داریوں کا آغاز کریں گے۔ بی سی بی کے صدر نظم الحسن نے اپنے بیان میں کہا کہ ڈومینگو انٹرنیشنل سطح پر کوچنگ کا وسیع تجربہ رکھتے ہیں، ان کی خدمات ہمارے لئے باعث اعزاز ہے، امید ہے کہ وہ ٹیم کو اگلے لیول تک لے جانے میں اہم کردار ادا کریں گے، ہمارا ابتدائی طور پر دو سالہ معاہدہ طے پایا ہے۔ ڈومینگو نے بھی اس تقرری کو اعزاز قرار دیا اور کہا کہ بنگلہ دیشی کھلاڑیوں میں کچھ کر دکھانے کا جذبہ موجود ہے اسلئے مجھے ان کے ساتھ کام کر کے خوشی محسوس ہو گی۔

Reference: http://urdu.app.com.pk

جنوبی افریقہ کا دورہ بھارت کیلئے ٹیسٹ اور ٹی ٹونٹی سکواڈز کا اعلان

کیپ ٹا¶ن ۔ 16 اگست (اے پی پی) جنوبی افریقہ نے دورہ بھارت کیلئے ٹیسٹ اور ٹی ٹونٹی سکواڈز کا اعلان کر دیا۔ اینرچ نورٹج، روڈی سیکنڈ اور سینوران موتھوسیمی کو پہلی مرتبہ ٹیسٹ سکواڈ کا حصہ بنایا گیا ہے جبکہ ڈی کوک کو ٹی ٹونٹی ٹیم کی قیادت کی ذمہ داری سونپی گئی ہے۔ سابق کپتان ڈوپلیسی ٹیم میں جگہ بنانے میں ناکام رہے البتہ وہ ٹیسٹ ٹیم کی قیادت جاری رکھیں گے۔

Reference: http://urdu.app.com.pk

فیفا انڈر۔17 فٹ بال ورلڈ کپ ٹورنامنٹ رواں سال اکتوبر میں شروع ہوگا

برازیلیہ ۔16 اگست (اے پی پی) فٹ بال کی عالمی تنظیم فیفا کے زیر اہتمام انڈر۔17 فٹ بال ورلڈ کپ کا 18 واں ایڈیشن رواں سال اکتوبر میں برازیل میں شروع ہوگا۔ تفصیلات کے مطابق فیفا انڈر۔17 فٹ بال ورلڈ کپ ٹورنامنٹ کے کامیاب انعقاد کے لئے تیاریاں شروع ہو چکی ہیں۔ میگا ایونٹ میں مختلف ممالک کی 24 ٹیمیں ٹائٹل کے حصول کے لئے پنجہ آزمائی کرینگی۔ میگا ایونٹ میں میزبان برازیل، کینیڈا، نیوزی لینڈ، انگولا، نائیجیریا، ہنگری، ایکواڈور، آسٹریلیا، ساﺅتھ کوریا، ہیٹی، فرانس، چلی، امریکا، سینیگال، جاپان، ہالینڈ، سپین، ارجنٹائن، تاجکستان، کیمرون، سولومن جزائر، پیراگوئے اور میکسیکو شامل ہیں۔ انگلینڈ کی ٹیم انڈر۔17 فٹ بال ورلڈ کپ ٹورنامنٹ میں اپنے اعزاز کا دفاع کریگی۔ میگا ایونٹ میں شرکت کرنے والی 24 ٹیموں کو 6 مختلف گروپوں میں تقسیم کیا گیا ہے۔

Reference: http://urdu.app.com.pk

پی سی بی نے پری سیزن کیمپ میں شرکت کےلئے20 کھلاڑیوں کو این سی اے طلب کرلیا

لاہور۔15 اگست(اے پی پی ) پی سی بی نے سنٹرل کنٹریکٹ میں شامل 14 کرکٹرز سمیت 20 کھلاڑیوں کو پری سیزن کیمپ میں شرکت کےلئے نیشنل کرکٹ اکیڈمی لاہور میں طلب کرلیا ، کھلاڑی 19 اگست کو لاہور پہنچیں گے۔ 2 روزہ فٹنس ٹیسٹ کے بعد قومی کھلاڑی 22 اگست سے 7 ستمبر تک این سے اے میں جاری کنڈیشننگ کیمپ میں شرکت کریں گے۔قومی کرکٹ ٹیم کے کوچنگ اسٹاف کی عدم موجودگی میں سابق کپتان مصباح الحق نیشنل کرکٹ اکیڈمی کے کوچز کے ساتھ مل کر کیمپ میں شامل کھلاڑیوں کے لیے ٹریننگ پروگرام ترتریب دیں گے۔

Reference: http://urdu.app.com.pk

دوسرا ایشز ٹیسٹ، انگلش ٹیم پہلی اننگز میں 258 رنز پر آﺅٹ

لارڈز ۔ 15 اگست (اے پی پی) آئی سی سی ورلڈ ٹیسٹ چیمپئن شپ کے سلسلے میں انگلش ٹیم آسٹریلیا کے خلاف دوسرے ایشز ٹیسٹ میچ کی پہلی اننگز میں 258 رنز بنا کر آﺅٹ ہو گئی، روری برنز اور جونی بیئرسٹو کے سوا کوئی بھی انگلش بلے باز کینگروز باﺅلرز کا ڈٹ کر مقابلہ نہ کر سکا، برنز 53 اور بیئرسٹو 52 رنز بنا کر نمایاں رہے، جوش ہیزلووڈ، پیٹ کمنز اور نیتھن لیون نے 3، 3 کھلاڑیوں کو آﺅٹ کیا۔ جواب میں آسٹریلوی ٹیم نے دوسرے روز کھیل ختم ہونے تک اپنی پہلی اننگز میں ایک وکٹ پر 30 رنز بنا لئے تھے، کینگروز کو انگلینڈ کی پہلی اننگز کا سکور برابر کرنے کیلئے مزید 228 رنز درکار ہیں اور اس کی 9 وکٹیں باقی ہیں، عثمان خواجہ 18 اور کیمرون بینکرافٹ 5 رنز کے ساتھ وکٹ پر موجود ہیں۔

Reference: http://urdu.app.com.pk