انگلینڈ ٹیم ویسٹ انڈیز کے خلاف ون ڈے سیریز سے قبل ٹور میچ 17 فروری کو کھیلے گی

جمیکا ۔ 14 فروری (اے پی پی) ویسٹ انڈیز اور انگلینڈ کی کرکٹ ٹیموں کے درمیان پانچ ایک روزہ بین الاقوامی میچوں کی سیریز 20 فروری سے شروع ہوگی۔ اس سے قبل انگلینڈ ٹیم ایک ٹور میچ 17 فروری کو کھیلے گی۔ اس کے بعد ویسٹ انڈیز اور انگلینڈ کی ٹیموں کے درمیان پانچ ون ڈے میچوں کی سیریز کا پہلا میچ 20 فروری کو برج ٹاﺅن میں کھیلا جائیگا۔ اس سے قبل میزبان ٹیم نے انگلینڈ کو تین ٹیسٹ میچوں کی سیریز میں 2-1 سے شکست دی تھی۔ دونوں ٹیموں کے درمیان پانچ ون ڈے میچوں کی سیریز کا دوسرا میچ 22 فروری، تیسرا 25 فروری، چوتھا 27 فروری جبکہ پانچواں اور آخری ون ڈے میچ 2 مارچ کو کھیلا جائیگا۔ ون ڈے سیریز کے بعد دونوں ٹیموں کے درمیان تین ٹی ٹونٹی میچوں کی سیریز کھیلی جائے گی جس کا پہلا میچ 5 مارچ، دوسرا میچ 8 مارچ جبکہ تیسرا اورآخری میچ 10 مارچ کو کھیلا جائیگا۔

Reference: http://urdu.app.com.pk

پاکستان سپر لیگ فور ،آج دوبئی میں کراچی کنگز اور ملتان سلطانز کی ٹیموں کا میچ پاکستانی وقت کے مطابق ساڑھے چار بجے سہ پہر ہوگا

لاہور۔ 14 فروری (اے پی پی)پاکستان سپر لیگ فور میں آج 15فروری کو دوبئی میں کراچی کنگز اور ملتان سلطانز کی ٹیمیں ٹکرائیں گی ۔دونوں ٹیموں کے مابین ڈے اینڈ نائٹ ٹی ٹوئنٹی میچ پاکستانی وقت کے مطابق ساڑھے چار بجے سہ پہر ہوگا ۔دونوں ٹیموں کے مابین کانٹے دار میچ کی توقع کی جارہی ہے ،کراچی کنگز کے کپتان عماد وسیم اور ملتان سلطانز کی قیادت شعیب ملک کررہے ہیں ۔پی ایس ایل کے گزشتہ ایونٹ میں کراچی کنگز نے دس میچز میں سے پانچ میں فتح پائی تھی،چار میں شکست ہوئی اور ایک کا نتیجہ نہیں نکل سکا تھا اور اس کے گیارہ پوائنٹس تھے جبکہ ملتان سلطانز نے دس میچز میں سے چار میچز جیتے، پانچ ہارے اور ایک کا نتیجہ نہیں نکل سکا۔پاکستان سپر لیگ کی فرنچائز ٹیم کراچی کنگز کی کارکردگی میں پی ایس ایل کے پہلے ایونٹ کے مقابلے میں کافی بہتری ہوئی ہے۔کراچی کنگز نے پی ایس ایل کے 2016ءمیں ہونے والے پہلے ایونٹ میں صرف دو میچز میں کامیابی حاصل کی تھی اور پوائنٹ ٹیبل پر اس کا چوتھا نمبر تھا ۔لیکن پی ایس ایل ٹو میں ان کا تیسرا اور پی ایس ایل تھری میں اس کا دوسرا نمبر تھا اور ٹیم کے کرتا دھرتاﺅں کو یقین ہے کہ 14فروری سے یو اے ای اور پاکستان میں ہونے والی پی ایس ایل فور میں ان کی ٹیم کا پہلا نمبر ہوگا ۔

Reference: http://urdu.app.com.pk

تازہ ترین آئی سی سی ٹیسٹ رینکنگ، جوروٹ کی ٹاپ فائیو بلے بازوں میں واپسی

دبئی ۔ 13 فروری (اے پی پی) انگلش بلے باز جوروٹ انٹرنیشنل کرکٹ کونسل (آئی سی سی) کی تازہ ترین ٹیسٹ پلیئرز رینکنگ میں بلے بازوں میں دوبارہ ٹاپ فائیو میں شامل ہو گئے۔ انہوں نے دو درجے ترقی کے ساتھ نیوزی لینڈ کے ہنری نیکولز کے ساتھ پانچویں پوزیشن شیئر کر لی۔ جوز بٹلر 8 اور بین سٹوکس 7 درجے ترقی پا کر بالترتیب 26ویں اور 34ویں نمبر پر آ گئے۔ روسٹن چیس 10 درجے ترقی پا کر 41ویں نمبر پر آ گئے۔ باﺅلرز میں کگیسوربادا بدستور سرفہرست ہیں۔ مارک ووڈ 12 درجے چھلانگ لگا کر 52ویں نمبر پر آ گئے۔ ٹیموں میں بھارتی ٹیم پہلے نمبر پر براجمان ہے۔ انگلش ٹیم دو درجے تنزلی کے بعد پانچویں نمبر پر چلی گئی۔

Reference: http://urdu.app.com.pk

اسلام آباد یونائیٹڈ حکام کے اعتماد پر پورا اترنے کی کوشش کروں گا، محمد سمیع

لاہور۔13 فروری(اے پی پی ) پاکستان سپر لیگ (پی ایس ایل ) میں (کل) جمعرات کو دو بار کی چیمپئن اسلام آباد یونائیٹڈ کا مقابلہ لاہور قلندرز سے ہوگا۔ میچ پاکستانی وقت کے مطابق رات دس بج کر پینتالیس منٹ پر دبئی میں کھیلا جائیگا۔ دونوں ٹیموں کے مابین سنسنی خیز مقابلہ کی توقع کی جارہی ہے۔ اسلام آباد یونائیٹڈ نے پی ایس ایل کا 2016ءاور 2018ءمیں ہونے والا ایونٹ جیتا تھا۔ اسلام آباد یونائیٹڈ نے اپنی ٹیم کو مزید مضبوط کرنے کےلئے انگلینڈ کے آئن بیل اور ویلشمن فل سالٹ کو ٹیم میں شامل کیا ہے۔ دونوں پہلی بار پی ایس ایل میں کھیلیں گے تاہم اس بار اسلام آباد یونائیٹڈ کو مصباح الحق کی خدمات حاصل نہیں ہوں گی انہیں پلیئرز ڈرافٹ میں پشار زلمی نے منتخب کر لیا ہے۔ فاسٹ باﺅلر محمد سمیع کو مصباح الحق کی جگہ پی ایس ایل 4 کےلئے اسلام آباد یونائیٹڈ کا کپتان مقرر کیا گیا ہے ۔

Reference: http://urdu.app.com.pk

وزیراعظم ملک میں کھیلوں کے میدان آباد دیکھنا چاہتے ہیں، ڈاکٹر فہمیدہ مرزا

اسلام آباد ۔ 13 فروری (اے پی پی) وفاقی وزیر بین الصوبائی رابطہ ڈاکٹر فہمیدہ مرزا نے کہا ہے کہ وزیراعظم ملک میں کھیلوں کے میدان آباد دیکھنا چاہتے ہیں۔ ان خیالات کا اظہار انہوں نے گذشتہ روز جناح سٹیڈیم میں پنجاب گروپ آف کالجز کے سالانہ سپورٹس گالا کی افتتاحی تقریب سے خطاب کرتے ہوئے کیا۔ انہوں نے کہا کہ ملک میں کھیلوں کے میدان آباد کرنا وزیراعظم کی ترجیحات میں شامل ہے۔ انہوں نے کہا کہ پاکستان کی آزادی سے جمہوریت کی بحالی تک خواتین کا کردار اہم رہا ہے۔ انہوں نے کہا کہ مجھے اعزاز حاصل ہے کہ پاکستان کی پہلی خاتون سپیکر رہی اور پہلی خاتون سپیکر کے طور پر پورے ملک کی خواتین کی نمائندگی کی۔ انہوں نے کہا کہ سارے اسلامی ممالک میری طرف دیکھ رہے تھے کہ پاکستانی عورت بین الاقوامی سطح ہر کیسے نمائندگی کرتی ہے۔

Reference: http://urdu.app.com.pk