ٹاپ سیڈڈ لیوکاس اور مارسیلو کی فتوحات برقرار، ونسٹن سیلم اوپن ٹینس مینز ڈبلز سیمی فائنل میں داخل

واشنگٹن ۔ 22 اگست (اے پی پی) پولینڈ کے لیوکاس کیوبوٹ اور ان کے برازیلین جوڑی دار مارسیلو میلو پر مشتمل ٹاپ سیڈڈ جوڑی اپنی فتوحات برقرار رکھتے ہوئے ونسٹن سیلم اوپن ٹینس ٹورنامنٹ مینز ڈبلز سیمی فائنل میں پہنچ گئی۔ انہوں نے ایونٹ کے مینز ڈبلز کوارٹر فائنل میچ میں ڈان ایوانز اور انکے ہم وطن جوڑی دار جونی اومارا پر مشتمل برطانوی کو شکست دیکر ٹورنامنٹ سے باہر کر دیا۔ امریکہ میں جاری اے ٹی پی ایونٹ میں کھیلے گئے مینز ڈبلز کوارٹر فائنل میچ میں پولینڈ کے لیوکاس کیوبوٹ اور ان کے برازیلین جوڑی دار مارسیلو میلو پر مشتمل ٹاپ سیڈڈ جوڑی نے انتہائی شاندار کارکردگی کا مظاہرہ کرتے ہوئے ڈان ایوانز اور انکے ہم وطن جوڑی دار جونی اومارا پر مشتمل برطانوی کو سٹریٹ سیٹس میں 6-2 اور 6-2 سے شکست دیکر ٹورنامنٹ کے سیمی فائنل رائونڈ کیلئے کوالیفائی کرلیا۔

Reference: http://urdu.app.com.pk

بنوئٹ پائر، ڈینس شاپووالو اور سٹیو جانسن ونسٹن سیلم اوپن ٹینس ٹورنامنٹ مینز سنگلز کوارٹر فائنل میں پہنچ گئے، ثام قیوری اور فیلسیانو لوپیز ہار کر ایونٹ سے باہر

واشنگٹن ۔ 22 اگست (اے پی پی) فرانس کے ٹینس سٹار اور ایونٹ کے ٹاپ سیڈڈ بنوئٹ پائر، کینیڈا کے ڈینس شاپووالو اور امریکہ کے سٹیو جانسن فتوحات کو برقرار رکھتے ہوئے ونسٹن سیلم اوپن ٹینس ٹورنامنٹ مینز سنگلز کوارٹر فائنل رائونڈ میں پہنچ گئے جبکہ امریکہ کے ثام قیوری اور سپین کے فیلسیانو لوپیزپری کوارٹر فائنل رائونڈ میں شکست کے بعد ایونٹ سے باہر ہوگئے۔ امریکہ میں جاری اے ٹی پی ایونٹ کے مینز سنگلز پری کوارٹر فائنل رائونڈ میچز میں بنوئٹ پائر نے ہم وطن حریف کھلاری ہمبرٹ کو سخت مقابلے کے بعد 3-6، 7-6(7-2) اور 6-3 سے ہر اکر ایونٹ کے کوارٹر فائنل تک رسائی حاصل کی۔ کینیڈا کے سیکنڈ سیڈڈ کھلاڑی ڈینس شاپووالو نے عمدہ کھیل پیش کرتے ہوئے سربین حریف کھلاڑی میومیر کو سٹریٹ سیٹس میں 6-2 اور 6-3 سے ہر ا کر ایونٹ کے ٹاپ ایٹ کے لئے کوالیفائی کرلیا۔ ایک اور میچ میں میزبان کھلاڑی سٹیو جانسن نے عمدہ کھیل پیش کرتے ہوئے ناروے کے حریف کھلاڑی کاسپر رڈ کو ٹائی بریک پر 6-2 اور 7-6(7-5) سے مات دیکر ٹورنامنٹ کا کوارٹر فائنل رائونڈ کھیلنے کا اعزاز حاصل کرلیا۔ میزبان کھلاڑی ثام قیوری اور ہسپانوی ٹینس سٹار فیلسیانو لوپیز پری کوارٹر فائنل رائونڈ میں شکست کے بعد ایونٹ سے باہر ہوگئے۔ واضح رہے کہ کوارٹر فائنل رائونڈ میں ٹاپ سیڈڈ فرانسیسی کھلاڑی بنوئٹ پائر کا مقابلہ سپین کے پابلو کارینو سے ہوگا جبکہ میزبان سٹیو جانسن کا مقابلہ آسٹریلوی کھلاڑی جان میلمین سے ہوگا۔ روس کے اینڈری روبلو کو کینیڈین سیکنڈ سیڈڈ کھلاڑی ڈینس شاپووالو کا چیلنج درپیش ہوگا۔

Reference: http://urdu.app.com.pk

سابق کپتان مصباح الحق کی پریس کانفرنس

قومی کرکٹ ٹیم کی ہیڈ کوچنگ کے امیدوار مصباح الحق نے کرکٹ کمیٹی چھوڑنے کا اشارہ دے دیا
ہیڈ کوچ کیلئے درخواست جمع نہیں کروائی۔ ابھی تک افواہیں چل رہی ہیں، چیف سلیکٹر اور کوچ ایک ہونا چاہیے، اس میں ذمہ داری کا بوجھ ضرور بڑھے گا لیکن معاملات پر نظر رکھنے میں آسانی ہوگی،مصباح الحق لاہور۔21 اگست(اے پی پی ) سابق کپتان مصباح الحق نے کہا ہے کہ ہیڈ کوچ کیلئے ابھی درخواست جمع نہیں کروائی۔ ابھی تک افواہیں چل رہی ہیں۔چیف سلیکٹر اور کوچ ایک ہونا چاہیے۔ اس میں ذمہ داری کا بوجھ ضرور بڑھے گا لیکن معاملات پر نظر رکھنے میں آسانی ہوگی۔ لیول ٹوکورس کر رکھا ہے۔کوچنگ کیلئے درخواست دی تو کرکٹ کمیٹی کی رکنیت چھوڑ دونگا، ان خیالات کا اظہار انہوں نے گذشتہ روز قذافی سٹیڈیم میں میڈیا سے بات کرتے ہوئے کیا۔انکا کہنا تھا کہ اگر کوچ یا سلیکٹر کے عہدوں میں سے ایک کا انتخاب کرنا پڑا تو استخارہ کرونگا۔ ایک سوال کے جواب میں انہوں نے کہا کہ صوبائی ٹیموں کیلئے پول گزشتہ کارکردگی کی بنیاد پر تیار کیا گیا تھا۔کوشش کریں گے کہ 3رکنی کمیٹی فہرست پر نظرثانی کرتے ہوئے میرٹ پر فیصلے کرے۔ لاہور میں جاری پری سیزن کیمپ میں کئی کھلاڑیوں کو نظر انداز کرنے کے سوال پر انہوںنے کہا کہ فی الحال سب سے زیادہ توجہ سینٹرل کنٹریکٹ یافتہ کرکٹرز پر دی گئی ہے۔ چند مزید پرفارمرز میں بھی موقع دیا گیا ہے۔

Reference: http://urdu.app.com.pk

ایشز سیریز جیتنے کیلئے آئے ہیں، بلے بازوں کو باﺅنسرز کا خوف نہیں، سمتھ کی کمی محسوس ہو گی، جسٹن لینگر

لیڈز ۔ 21 اگست (اے پی پی)آسٹریلوی ٹیم کے کوچ جسٹن لینگر نے کہا ہے کہ ہماری ٹیم انگلینڈ کے خلاف ایشز سیریز جیتنے کیلئے آئی ہوئی ہے، بلے بازوں کو حریف باﺅلرز کے باﺅنسرز کا خوف نہیں البتہ ٹیم تیسرے ٹیسٹ میچ میں سٹیون سمتھ کی کمی محسوس کرے گی۔ سمتھ دوسرے ٹیسٹ کی پہلی اننگز میں جوفرا آرچر کا باﺅنسر لگنے سے گردن کی انجری کا شکار ہوئے تھے۔ آسٹریلیا اور انگلینڈ کے درمیان تیسرا ٹیسٹ میچ (کل) جمعرات سے شروع ہو گا اور کینگروز کو پانچ میچوں کی سیریز میں 1-0 کی برتری حاصل ہے۔ اپنے ایک بیان میں انہوں نے کہا کہ انگلش ٹیم سیریز میں کم بیک کرنے کیلئے ہر حربہ استعمال کرے گی اسلئے کھلاڑیوں کو آگاہ کر دیا ہے کہ کھیل کے تینوں شعبوں میں ڈٹ کر مقابلہ کرنے کیلئے تیار رہیں۔

Reference: http://urdu.app.com.pk

پاکستانی کرکٹ ٹیم آئندہ سال انگلینڈ کا دورہ کرے گی

اسلام آباد ۔ 21 اگست (اے پی پی) پاکستانی کرکٹ ٹیم آئندہ سال جولائی میں انگلینڈ کا دورہ کرے گی جہاں پر وہ میزبان ٹیم کے خلاف تین ٹیسٹ اور تین ٹی ٹونٹی انٹرنیشنل میچوں کی سیریز کھیلے گی۔ انگلینڈ اینڈ ویلز کرکٹ بورڈ (ای سی بی) نے آئندہ سال پاکستان کے خلاف مجوزہ سیریز کے شیڈول کا اعلان کر دیا ہے جس کے تحت آئی سی سی ورلڈ ٹیسٹ چیمپئن شپ کے سلسلے میں دونوں ٹیموں کے درمیان تین ٹیسٹ میچز کھیلے جائیں گے، دونوں ٹیموں کے درمیان پہلا ٹیسٹ میچ 30 جولائی سے 3 اگست تک لارڈز، دوسرا ٹیسٹ میچ 7 سے 11 اگست تک اولڈ ٹریفورڈ جبکہ تیسرا اور آخری ٹیسٹ میچ 20 سے 24 اگست تک ٹرینٹ برج میں کھیلا جائے گا۔ اس کے بعد دونوں ٹیمیں تین ٹی ٹونٹی انٹرنیشنل میچوں کی سیریز میں آمنے سامنے ہوں گی، دونوں ٹیموں کے درمیان پہلا میچ 29 اگست، دوسرا میچ 31 اگست جبکہ تیسرا اور آخری میچ 2 ستمبر کو کھیلا جائے گا۔

Reference: http://urdu.app.com.pk