پاکستان انٹرنیشنل سکواش ٹورنامنٹ 26 اگست سے شروع ہو گا

اسلام آباد ۔ 23 اگست (اے پی پی) پاکستان سکواش فیڈریشن کے زیراہتمام پاکستا ن انٹرنیشنل سکواش ٹورنامنٹ 26 اگست سے اسلام آباد میں شروع ہو گا جس میں ملک بھر سے 48 کھلاڑی حصہ لے رہے ہیں جن میں 24 مرد اور 24 خواتین کھلاڑی شامل ہیں۔ ٹورنامنٹ کے کوارٹر فائنل مقابلے 28 اگست، سیمی فائنل 29 اگست جبکہ فائنل مقابلے 30 اگست کو کھیلے جائیں گے۔ ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔ ٹورنامنٹ میں مرد کےلئے 10 ہزار ڈالر جبکہ خواتین کے لئے 5 ہزار ڈالر کی انعامی رقم رکھی گئی ہے۔

Reference: http://urdu.app.com.pk

سری لنکا نے کولمبو ٹیسٹ کے دوسرے روز 6 وکٹوں کے نقصان پر 144 رنز بنا لئے

کولمبو ۔ 23 اگست (اے پی پی) سری لنکا نے کولمبو ٹیسٹ کے دوسرے روز 6 وکٹوں کے نقصان پر 144 رنز بنا لئے، دوسرے روز بھی بارش کے باعث صرف 29 اوورز کا کھیل ہو سکا۔

Reference: http://urdu.app.com.pk

بھارت نے ویسٹ انڈیز کے خلاف ٹیسٹ کے پہلے روز 6 وکٹوں کے نقصان پر 203 رنز بنا لئے

نارتھ ساﺅنڈ ۔ 23 اگست (اے پی پی) بھارت نے ویسٹ انڈیز کی کرکٹ ٹیموں کے درمیان شروع ہونے والے سیریز کے پہلے ٹیسٹ میچ کے پہلے روز بھارت نے 6 وکٹوں کے نقصان پر 203 رنز بنا لئے۔

Reference: http://urdu.app.com.pk

کولمبو ٹیسٹ، سری لنکا نے 2 وکٹ کے نقصان پر 85 رنز بنا لئے

کولمبو ۔ 22 اگست (اے پی پی) سری لنکا اور نیوزی لینڈ کی کرکٹ ٹیموں کے مابین شروع ہونے والے دوسرے ٹیسٹ کے پہلے روز سری لنکا نے اپنی پہلی اننگز میں دو وکٹوں کے نقصان پر 85 رنز بنا لئے۔ دیمتھ کرونا رتنے 49 رنز کے ساتھ وکٹ پر موجود ہیں، بارش کے باعث پہلے روز صرف 36.3 اوورز کا کھیل ممکن ہو سکا۔

Reference: http://urdu.app.com.pk

یوم دفاع ٹی20 کرکٹ کپ 6 ستمبر سے اسلام آباد میں شروع ہوگا

اسلام آباد ۔ 22 اگست (اے پی پی)یوم دفاع ٹی20 کرکٹ کپ ٹورنامنٹ 6 ستمبر سے الیون سٹار کرکٹ گرائونڈ اسلام آباد میں شروع ہوگا۔ ٹورنامنٹ کے چیف آرگنائزر معید شیخ نے بتایا کہ ٹورنامنٹ کی تیاریاں زور و شور سے جاری ہیں۔ انہوں نے کہا کہ ٹورنامنٹ میں 16 ٹیمیں حصہ لیں گی۔ ٹورنامنٹ کا پہلا مرحلہ ناک آئوٹ اور دوسرا لیگ سسٹم کی بنیاد پر پی سی بی کرکٹ قوانین کے مطابق کھیلا جائے گا۔ ٹورنامنٹ کی انٹر فیس 15 ہزار روپے مقرر کی گئی ہے جبکہ ٹورنامنٹ میں پہلی پوزیشن حاصل کرنے والی ٹیم کو 50 ہزار روپے اور دوسری پوزیشن حاصل کرنے والی ٹیم کو 25 ہزار روپے نقد انعام دیا جائے گا۔ ٹورنامنٹ میں شرکت کی خواہش رکھنے والی ٹیمیں اپنے، اپنے ناموں کا اندراج 29 اگست سے قبل انٹر فیس کے ساتھ کرواسکتی ہیں۔ 30 اگست کو ٹورنامنٹ کے ڈراز کا اعلا ن کیا جائے گا۔ انہوں نے کہا کہ ٹورنامنٹ میں مختلف کمیٹیوں کا قیام عمل میں لایا گیا ہے۔، گرائونڈ کے چیئرمین ہارون بٹ، ٹیکنکل کمیٹی کے چیئرمین سعداللہ اور استقبالیہ کمیٹی کے چیئرمین محمد احسان ہونگے۔

Reference: http://urdu.app.com.pk