آئی سی سی انڈر 19 کرکٹ ورلڈ کپ میں کل دو میچ کھیلے جائیں گے

کمبرلے ۔ 22 جنوری (اے پی پی) 13 ویں آئی سی سی انڈر19 کرکٹ ورلڈ کپ میںکل جمعرات کو مزید دومیچ کھیلے جائیں گے۔ جنوبی افریقہ میں 13 ویں آئی سی سی انڈر 19 ورلڈ کپ میں کانٹے دار مقابلوں کا سلسلہ جاری ہے جس میں شائقین کرکٹ کو اچھے مقابلے دیکھنے کو مل رہے ہیں۔ میگا ایونٹ میں کل جمعرات کو دو میچوں کا فیصلہ ہوگا۔ پہلا میچ آسٹریلیا اور انگلینڈ کی انڈر 19 ٹیموں کے درمیان کمبرلے میں کھیلا جائے گا، دوسرا میچ نائیجیریا اور ویسٹ انڈیز کی انڈر 19 ٹیموں کے درمیان کمبرلے کے مقام پر ہی کھیلا جائے گا۔ پاکستان انڈر19 کرکٹ ٹیم میگا ایونٹ کے گروپ مرحلے میں اپنا آخری میچ بنگلہ دیش کے خلاف 24 جنوری کو پوچیفسٹروم میں مد مقابل ہوگی۔ ہر گروپ سے دو بہترین ٹیمیں سپر لیگ مرحلے تک رسائی حاصل کریں گی جبکہ باقی تمام ٹیمیں پلیٹ چیمپئن شپ کےلئے نبردآزمائی کریں گی۔ ایونٹ میں سپر لیگ مرحلے کا آغاز 28 جنوری سے شروع ہوگا۔ سپر لیگ مرحلے کے اختتام پر 4 ٹاپ ٹیمیں سیمی فائنل کے لئے کوالیفائی کریں گی۔ دو فائنلسٹ ٹیموں کے درمیان فائنل معرکہ 9 فروری کو ہوگا۔

Reference: http://urdu.app.com.pk

پاکستان اور بنگلہ دیش کے درمیان پہلا ٹی ٹونٹی بین الاقوامی کرکٹ میچ (جمعہ) کھیلا جائے گا

اسلام آباد ۔ 22 جنوری(اے پی پی ) پاکستان اور بنگلہ دیش کی کرکٹ ٹیموں کے درمیان تین ٹی ٹونٹی میچوں پر مشتمل سیریز کا پہلا میچ جمعہ کو قذافی سٹیڈیم لاہور میں کھیلا جائے گا۔ میچ پاکستان کے معیاری وقت کے مطابق دن 2 بجے شروع ہوگا۔ پاکستان ٹیم کی قیادت بابر اعظم کرینگے جبکہ بنگلہ دیشی ٹی ٹونٹی ٹیم کی قیادت 33 سالہ محمود اللہ کرینگے۔ پاکستان کرکٹ بورڈ کی سلیکشن کمیٹی نے پہلے ہی بنگلہ دیش کے خلاف تین ٹی ٹونٹی میچوں پر مشتمل سیریز کےلئے 15 رکنی قومی سکواڈ کا اعلان کر رکھا ہے، نومبر میں دورہ آسٹریلیا کےلئے روانہ ہونے والے16 رکنی قومی ٹی ٹونٹی اسکواڈ میں7 تبدیلیاں کی گئی ہیں، جس کے مطابق تجربہ کار شعیب ملک، محمد حفیظ اور شاہین شاہ آفریدی کی اسکواڈ میں واپسی ہوئی ہے، فخر زمان، آصف علی،حارث سہیل،امام الحق، وہاب ریاض، محمد عامر اور محمد عرفان کو ڈراپ کردیا گیا ہے، بابر اعظم ٹیم کے کپتان ہیں جبکہ دیگر کھلاڑیوں میں احسان علی، عماد بٹ، حارث رو¿ف، افتخار احمد، عماد وسیم ، خوشدل شاہ، محمد حفیظ ، محمد حسنین ، محمد رضوان( وکٹ کیپر)، شاہین شاہ آفریدی، شعیب ملک اورعثمان قادر شامل ہیں۔ دونوں ٹیموں کے درمیان تین میچوں کی سیریز کا دوسرا میچ 25 جنوری جبکہ تیسرا اور آخری ٹی ٹونٹی میچ 27 جنوری کو لاہور میں کھیلا جائے گا۔ پاکستان ٹیم لاہور میں موجود ہے جہاں وہ سیریز کےلئے بھرپور تیاریوں میں مصروف ہے

Reference: http://urdu.app.com.pk

آئی سی سی انڈر 19 کرکٹ ورلڈ کپ میں چارمیچ کھیلے جائیں گے

پوچیفسٹروم ۔ 21 جنوری (اے پی پی) 13 ویں آئی سی سی انڈر19 کرکٹ ورلڈ کپ میں بدھ کو مزید چار میچ کھیلے جائیں گے۔ دو مرتبہ کی عالمی چیمپئن پاکستان کی ٹیم میگا ایونٹ میں اپنا دوسرا میچ بدھ کو زمبابوے کے خلاف کھلے گی۔ جنوبی افریقہ میں 13 ویں آئی سی سی انڈر 19 ورلڈ کپ کا آغاز ہوچکا ہے جس میں شائقین کرکٹ کو اچھے مقابلے دیکھنے کو مل رہے ہیں۔ میگا ایونٹ میں بدھ کو چار میچوں کا فیصلہ ہوگا۔ پہلا میچ میزبان جنوبی افریقہ اور کینیڈا کی انڈر 19 ٹیموں کے درمیان پوچیفسٹروم میں کھیلا جائے گا، دوسرا میچ افغانستان اور متحدہ عرب امارات کی انڈر 19 ٹیموں کے درمیان پوچیفسٹروم میں کھیلا جائے گا، تیسرا میچ پاکستان اور بنگلہ دیش کی ٹیموں کے درمیان پوچیفسٹروم میں ہی کھیلا جائے گا جبکہ چوتھا میچ نیوزی لینڈ اور سری لنکا کی انڈر 19 ٹیموں کے درمیان بلوم فونٹین میں کھیلا جائے گا۔ پاکستان انڈر19 کرکٹ ٹیم میگا ایونٹ کے گروپ مرحلے میں اپنا آخری میچ بنگلہ دیش کے خلاف 24 جنوری کو پوچیفسٹروم میں مد مقابل ہوگی۔ ہر گروپ سے دو بہترین ٹیمیں سپر لیگ مرحلے تک رسائی حاصل کریں گی جبکہ باقی تمام ٹیمیں پلیٹ چیمپئن شپ کےلئے نبردآزمائی کریں گی۔ ایونٹ میں سپر لیگ مرحلے کا آغاز 28 جنوری سے شروع ہوگا۔ سپر لیگ مرحلے کے اختتام پر 4 ٹاپ ٹیمیں سیمی فائنل کے لئے کوالیفائی کریں گی۔ دو فائنلسٹ ٹیموں کے درمیان فائنل معرکہ 9 فروری کو ہوگا۔

Reference: http://urdu.app.com.pk

آئی سی سی انڈر 19 کرکٹ ورلڈ کپ میںمنگل کو دو میچ کھیلے جائیں گے، پاکستان ٹیم اپنا دوسرا میچ بدھ کو زمبابوے کے خلاف کھیلے گی

پوچیفسٹروم ۔ 20 جنوری (اے پی پی) 13 ویں آئی سی سی انڈر19 کرکٹ ورلڈ کپ میںمنگل کو دو میچ کھیلے جائیں گے۔ دو مرتبہ کی عالمی چیمپئن پاکستان کی ٹیم میگا ایونٹ میں اپنا دوسرا میچ بدھ کو زمبابوے کے خلاف کھلے گی۔ جنوبی افریقہ میں 13 ویں آئی سی سی انڈر 19 ورلڈ کپ کا آغاز ہوچکا ہے جس میں شائقین کرکٹ کو اچھے مقابلے دیکھنے کو مل رہے ہیں۔ میگا ایونٹ میں منگل کو دو میچوں کا فیصلہ ہوگا۔ پہلا میچ بنگلہ دیش اور سکاٹ لینڈ کی انڈر 19 ٹیموں کے درمیان پوچیفسٹروم میں کھیلا جائے گا، دوسرا میچ بھارت اور جاپان کی انڈر 19 ٹیموں کے درمیان بلوم فونٹین میں کھیلا جائے گا۔ دو مرتبہ کی عالمی چیمپئن پاکستان کی ٹیم ورلڈ کپ 2020ء میں اپنا دوسرا میچ بدھ کو زمبابوے کے خلاف بلوم فونٹین کے مقام پر کھیلے گی۔ 24 روز تک جاری رہنے والے ایونٹ میں 48 میچز کھیلے جائیں گے۔ پاکستان انڈر19 کرکٹ ٹیم میگا ایونٹ کے گروپ مرحلے میں اپنا آخری میچ بنگلہ دیش کے خلاف 24 جنوری کو پوچیفسٹروم میں مد مقابل ہوگی۔ ہر گروپ سے دو بہترین ٹیمیں سپر لیگ مرحلے تک رسائی حاصل کریں گی جبکہ باقی تمام ٹیمیں پلیٹ چیمپئن شپ کیلئے نبردآزمائی کریں گی۔ ایونٹ میں سپر لیگ مرحلے کا آغاز 28 جنوری سے شروع ہوگا۔ سپر لیگ مرحلے کے اختتام پر 4 ٹاپ ٹیمیں سیمی فائنل کے لئے کوالیفائی کریں گی۔ دو فائنلسٹ ٹیموں کے درمیان فائنل معرکہ 9 فروری کو ہوگا۔

Reference: http://urdu.app.com.pk

لاہور،آئی سی سی ویمنز ٹی ٹوئنٹی ورلڈکپ 2020ءکےلئے قومی اسکواڈ کا اعلان کر دیا گیا

لاہور۔20 جنوری(اے پی پی )قومی خواتین کرکٹ ٹیم کی سلیکشن کمیٹی نے آئی سی سی ویمنز ٹی ٹوئنٹی ورلڈکپ 2020ءکےلئے 15 رکنی قومی خواتین کرکٹ اسکواڈ کا اعلان کردیا ہے۔ ایونٹ 21 فروری سے 8 مارچ تک آسٹریلیا میں کھیلا جائے گا۔ اسکواڈ کا انتخاب انٹرنیشنل اور ڈومیسٹک کرکٹ میں خواتین کھلاڑیوں کی حالیہ کارکردگی کا جائزہ لینے کے بعدکیا گیا ہے۔عروج ممتاز کی سربراہی میں کام کرنے والی نیشنل ویمنز سلیکشن کمیٹی نے انگلینڈ ویمنز کرکٹ ٹیم کےخلاف منتخب کردہ اسکواڈ میں 3 تبدیلیاں کی ہیں۔ ناہیدہ خان، رامین شمیم اور عائشہ ظفر کی جگہ منیبہ علی، عائشہ نسیم اور ایمن انور کو میگا ایونٹ کے لیے 15 رکنی اسکواڈ میں شامل کرلیا گیا ہے۔ قومی خواتین کرکٹ ٹیم میگاایونٹ کے گروپ بی کا حصہ ہے جبکہ گروپ کی دیگر ٹیموں میں انگلینڈ، جنوبی افریقہ، تھائی لینڈ اور ویسٹ انڈیز شامل ہیں‘پاکستان ایونٹ میں اپنا پہلا میچ 26فروری کو ویسٹ انڈیز کےخلاف کھیلے گا۔ قومی خواتین کرکٹ ٹیم 28 فروری کو انگلینڈ ، یکم مارچ کو جنوبی افریقہ اور 3 مارچ کو تھائی لینڈ کےخلاف میدان میں اترے گی۔پاکستان کو انگلینڈ کےخلاف سیریز میں 0-3 سے شکست کا سامنا کرنا پڑا تھا۔ تین رکنی سلیکشن کمیٹی کے دیگر اراکین میں مرینہ اقبال اور اسماویہ اقبال شامل ہیں۔منتخب کردہ قومی خواتین اسکواڈ کی اوسط عمر 24.8 ہے جو مستقبل کے حوالے سے سلیکٹرز کی سوچ اور منصوبہ بندی کی مکمل عکاسی کرتی ہے۔15 رکنی اسکواڈ میگا ایونٹ میں شرکت کے لیے31 جنوری کو آسٹریلیا روانہ ہوگا۔قومی خواتین کرکٹ ٹیم ایونٹ سے قبل ویسٹ انڈیز ویمنز کرکٹ ٹیم کے خلاف تین وارم اپ میچز 7، 9 اور 11 فروری کو کھیلے گی تاہم روانگی سے قبل قومی خواتین کرکٹ ٹیم کا آٹھ روزہ تربیتی کیمپ 23 سے 30 جنوری تک حنیف محمد ہائی پرفارمنس سنٹر کراچی میں جاری رہے گا۔اسکواڈمیں بسمہ معروف (کپتان)، ایمن انور، عالیہ ریاض، انعم امین، عائشہ نسیم، ڈیانا بیگ، فاطمہ ثناء، ارم جاوید، جویریہ خان، منیبہ علی، ندا ڈار، عمیمہ سہیل، سعدیہ اقبال، سدرہ نواز (وکٹ کیپر) اور سیدہ عروب شاہ شامل ہیں،ٹیم آفیشلز میں سید اقبال امام (ہیڈ کوچ)، سلیم جعفر (باو¿لنگ کوچ)، عامر اقبال (فیلڈنگ کوچ)، جمال حسین ( اسٹرینتھ اینڈ کنڈیشنگ کوچ)، ڈاکٹر رفعت اصغر گل (فزیو)، عائشہ جلیل (منیجر) اور زبیر احمد (اینالسٹ) شامل ہیں۔

Reference: http://urdu.app.com.pk