گزشتہ مالی سال کے دوران ای کامرس کی قومی مارکیٹ میں 92 فیصد کا اضافہ، حجم 99.3 ارب روپے تک بڑھ گیا

اسلام آباد ۔ 28 نومبر (اے پی پی) گزشتہ مالی سال2017-18ءکے دوران ای کامرس کی قومی مارکیٹ میں 92 فیصد کا اضافہ ہوا ہے اور دوران سال ای کامرس مارکیٹ کا مجموعی حجم 99.3 ارب روپے تک بڑھ گیا جبکہ مالی سال 2016-17ءکے دوران شعبہ مارکیٹ کا حجم51.8 ارب روپے رہا تھا ۔ اس طرح مالی سال 2016-17ءکے مقابلہ میں گزشتہ مالی سال 2018ءکے دوران ای کامرس کی مقامی مارکیٹ کی شرح نمو 92 فیصد تک بڑھ گئی۔ سٹیٹ بینک آف پاکستان ( ایس بی پی) کی سالانہ رپورٹ 2018ءکے مطابق ملک میں ای کامرس کے کاروبار کی ترقی کے وسیع امکانات موجود ہیں کیونکہ اب تک ملک کی مجموعی ریٹیل مارکیٹ میں ای کامرس کے ذریعے کئے جانے والے کاروبار کا تناسب صرف ایک فیصد ہے۔

Reference: http://urdu.app.com.pk

سوتی کپڑے کی برآمدات میں اکتوبر کے دوران22.28 فیصد اضافہ

اسلام آباد ۔ 25 نومبر (اے پی پی) رواں سال اکتوبر کے دوران سوتی کپڑے کی برآمدات میں 22.28 فیصد اضافہ ہوا۔قومی ادارہ برائے شماریات (پی بی ایس) کے اعداد و شمار کے مطابق اکتوبر 2018ءکے دوران سوتی کپڑے کی برآمدات بڑھ کر 24.02 ارب روپے تک پہنچ گئیں جبکہ اکتوبر 2017ءمیں سوتی کپڑے کی برآمدات 19.64 ارب روپے رہی تھیں۔

Reference: http://urdu.app.com.pk

رواں مالی سال کے دوران پٹرولیم مصنوعات کی برآمدات میں 94.14 فیصد اضافہ

اسلام آباد ۔22 نومبر(اے پی پی)رواں مالی سال کے دوران پٹرولیم مصنوعات کی برآمدات میں 94.14 فیصد کا اضافہ ہوا ہے۔ پاکستان بیوروبرائے شماریات کے مطابق رواں مالی سال کے دوران جولائی سے اکتوبر تک پٹرولیم مصنوعات کی مجموعی برآمدات 18 کروڑ 75 لاکھ 57ہزار ڈالر رہی ہیں جبکہ گزشتہ مالی سال کے اسی عرصہ کے دوران پٹرولیم مصنوعات کا حجم 9کروڑ 66 لاکھ 10 ہزارڈالر رہی۔ رواں سال خام تیل کی برآمدات میں مجموعی طورپر 214.90 فیصد کااضافہ دیکھنے میںآیا اور رواں مالی سال کے دوران جولائی سے اکتوبر تک 10 کروڑ 41 لاکھ 66 ہزار ڈالر کا خام تیل برآمد کیا گیا جبکہ گزشتہ مالی سال کے اسی عرصہ میں 3 کروڑ30 لاکھ 79 ہزار ڈالر کا خام تیل برآمد کیا گیا تھا۔

Reference: http://urdu.app.com.pk

اکتوبر کے دوران مچھلی اور اس کی مصنوعات کی برآمدات میں 13 فیصد اضافہ

اسلام آباد ۔ 22 نومبر (اے پی پی) اکتوبر 2018ءکے دوران مچھلی اور اس کی مصنوعات کی برآمدات میں 13 فیصد کا اضافہ ہوا ہے۔ ادارہ برائے شماریات پاکستان ( پی بی ایس) کے اعداد وشمارکے مطابق اکتوبر 2018ءکے دوران مچھلی اور اس سے تیار کی جانے والی مصنوعات کی برآمدات سے 42.5 ملین ڈالر کا زر مبادلہ کمایا گیا ہے جبکہ ستمبر 2018ءکے دوران مچھلی اور اس کی مصنوعات کی برآمدات کا حجم 37.6 ملین ڈالر رہا تھا۔ پی بی ایس کے مطابق ستمبر 2018 ءکے مقابلہ میں اکتوبر 2018ءکے دوران مچھلی اور اس کی مصنوعات کی قومی برآمدات میں 4.9 ملین ڈالر یعنی 13 فیصد کا اضافہ ریکارڈ کیا گیا ہے۔

Reference: http://urdu.app.com.pk

رواں سال کے دوران کپاس کی پیدوار میں اب تک 5.26 فیصد کی کمی ریکارڈ

اسلام آباد ۔22 نومبر(اے پی پی)رواں سال کے دوران کپاس کی پیدوار میں اب تک 5.26 فیصد کی کمی ریکارڈ کی گئی ہے۔ وزارت نیشنل فوڈ سکیورٹی کے ذرائع کے مطابق یکم نومبر تک کپاس کی پیداوار 77 لاکھ 6 ہزار گانٹھیں رہی ہے جبکہ گزشتہ سال کے اسی عرصہ میں یہ پیداوار 81لاکھ 34 ہزار گانٹھیں تھیں۔ پنجاب میں کپاس کی پیداوار 8.3 فیصد کمی کے ساتھ 42لاکھ 70 ہزار گانٹھیں جبکہ سندھ میں 1.2 فیصد کی کمی کے ساتھ 34 لاکھ 34ہزار گانٹھیں رہی، پنجاب میں گزشتہ سال کپاس کی پیداوار 46 لاکھ 58ہزار گانٹھیں اور سندھ میں 34 لاکھ 76 ہزار گانٹھیں ریکارڈ کی گئی تھیں۔ کاٹن کراپ اسیسمنٹ کمیٹی نے کپاس کی پیداوارکے ہدف پر نظر ثانی کرتے ہوئے 2018-19ءکے لئے پیداواری ہدف ایک کروڑ 84 لاکھ 70 ہزار گانٹھیں مقرر کیا ہے۔

Reference: http://urdu.app.com.pk