رواں مالی سال کے دوران پٹرولیم مصنوعات کی برآمدات میں 94.14 فیصد اضافہ

اسلام آباد ۔22 نومبر(اے پی پی)رواں مالی سال کے دوران پٹرولیم مصنوعات کی برآمدات میں 94.14 فیصد کا اضافہ ہوا ہے۔ پاکستان بیوروبرائے شماریات کے مطابق رواں مالی سال کے دوران جولائی سے اکتوبر تک پٹرولیم مصنوعات کی مجموعی برآمدات 18 کروڑ 75 لاکھ 57ہزار ڈالر رہی ہیں جبکہ گزشتہ مالی سال کے اسی عرصہ کے دوران پٹرولیم مصنوعات کا حجم 9کروڑ 66 لاکھ 10 ہزارڈالر رہی۔ رواں سال خام تیل کی برآمدات میں مجموعی طورپر 214.90 فیصد کااضافہ دیکھنے میںآیا اور رواں مالی سال کے دوران جولائی سے اکتوبر تک 10 کروڑ 41 لاکھ 66 ہزار ڈالر کا خام تیل برآمد کیا گیا جبکہ گزشتہ مالی سال کے اسی عرصہ میں 3 کروڑ30 لاکھ 79 ہزار ڈالر کا خام تیل برآمد کیا گیا تھا۔

Reference: http://urdu.app.com.pk

اکتوبر کے دوران مچھلی اور اس کی مصنوعات کی برآمدات میں 13 فیصد اضافہ

اسلام آباد ۔ 22 نومبر (اے پی پی) اکتوبر 2018ءکے دوران مچھلی اور اس کی مصنوعات کی برآمدات میں 13 فیصد کا اضافہ ہوا ہے۔ ادارہ برائے شماریات پاکستان ( پی بی ایس) کے اعداد وشمارکے مطابق اکتوبر 2018ءکے دوران مچھلی اور اس سے تیار کی جانے والی مصنوعات کی برآمدات سے 42.5 ملین ڈالر کا زر مبادلہ کمایا گیا ہے جبکہ ستمبر 2018ءکے دوران مچھلی اور اس کی مصنوعات کی برآمدات کا حجم 37.6 ملین ڈالر رہا تھا۔ پی بی ایس کے مطابق ستمبر 2018 ءکے مقابلہ میں اکتوبر 2018ءکے دوران مچھلی اور اس کی مصنوعات کی قومی برآمدات میں 4.9 ملین ڈالر یعنی 13 فیصد کا اضافہ ریکارڈ کیا گیا ہے۔

Reference: http://urdu.app.com.pk

رواں سال کے دوران کپاس کی پیدوار میں اب تک 5.26 فیصد کی کمی ریکارڈ

اسلام آباد ۔22 نومبر(اے پی پی)رواں سال کے دوران کپاس کی پیدوار میں اب تک 5.26 فیصد کی کمی ریکارڈ کی گئی ہے۔ وزارت نیشنل فوڈ سکیورٹی کے ذرائع کے مطابق یکم نومبر تک کپاس کی پیداوار 77 لاکھ 6 ہزار گانٹھیں رہی ہے جبکہ گزشتہ سال کے اسی عرصہ میں یہ پیداوار 81لاکھ 34 ہزار گانٹھیں تھیں۔ پنجاب میں کپاس کی پیداوار 8.3 فیصد کمی کے ساتھ 42لاکھ 70 ہزار گانٹھیں جبکہ سندھ میں 1.2 فیصد کی کمی کے ساتھ 34 لاکھ 34ہزار گانٹھیں رہی، پنجاب میں گزشتہ سال کپاس کی پیداوار 46 لاکھ 58ہزار گانٹھیں اور سندھ میں 34 لاکھ 76 ہزار گانٹھیں ریکارڈ کی گئی تھیں۔ کاٹن کراپ اسیسمنٹ کمیٹی نے کپاس کی پیداوارکے ہدف پر نظر ثانی کرتے ہوئے 2018-19ءکے لئے پیداواری ہدف ایک کروڑ 84 لاکھ 70 ہزار گانٹھیں مقرر کیا ہے۔

Reference: http://urdu.app.com.pk

الفیو ٹیم آٹو موٹیو پاکستان ملک میں رینالٹ گاڑیاں تیار کرنے کیلئے فیکٹری قائم کرنے پر300 ملین ڈالر سے زائد کی سرمایہ کاری کرے گی

اسلام آباد ۔ 21 نومبر (اے پی پی) الفیو ٹیم آٹو موٹیو پاکستان (اے ایف اے پی ایل)ملک میں رینالٹ گاڑیاں تیار کرنے کیلئے سٹیٹ آف دی آرٹ گرین فیلڈ فیکٹری قائم کرنے پر300 ملین ڈالر سے زائد کی سرمایہ کاری کرے گی۔ انجینئرنگ ڈویلپمنٹ بورڈ( ای ڈی بی) کے حکام نے کہا ہے کہ آٹو موٹیو ڈویلپمنٹ پالیسی(2016-21) کے تحت کی جانے والی اب تک کی سب سے بڑی سرمایہ کاری ہوگی۔ انہوں نے کہا کہ کمپنی نے فیکٹری سے قبل ای ڈی بی سے اس حوالے سے مراعات کی تصدیق کیلئے رابطہ کیا ہے۔ اے ایف اے پی ایل رینالٹ گاڑیوں کی پاکستان میں تیاری کیلئے سوفیصد براہ راست غیرملکی سرمایہ کاری کررہی ہے جس سے ملک میں1200 سے زائد روزگار کے براہ راست مواقع پیدا ہونگے جبکہ16 ہزار سے زائد افراد کو بالواسطہ روزگار فراہم کیا جاسکے گا۔ انہوں نے کہا کہ فیکٹری کے قیام سے ملک میں گاڑیوں کی تیاری کے حوالے سے ٹیکنالوجی کی منتقلی سے شعبہ کی ترقی میں مدد ملے گی۔

Reference: http://urdu.app.com.pk

ربڑٹائرز اورٹیوبز کی درآمدات میں تین ماہ کے دوران 40.11 فیصد کی ہوئی، پی بی ایس

اسلام آباد ۔12 نومبر(اے پی پی)رواں مالی سال کی پہلی سہ ماہی میں ملک میں ربڑٹائرز اورٹیوبز کی درآمدات میں 40.11 فیصد کی کمی ریکارڈ کی گئی۔ادارہ شماریات پاکستان(پی بی ایس) کے اعداد وشمارکے مطابق جولائی سے لیکر ستمبر تک پاکستان نے ربڑٹائیرز اورٹیوبز کی درآمدات پر 6.4 ارب روپے کا زرمبادلہ خرچ کیا جو گزشتہ مالی سال کے اسی عرصہ کے مقابلے میں 40.11 فیصد کم ہے۔ گزشتہ مالی سال کی پہلی سہ ماہی میں پاکستان نے ربڑٹائیرز اورٹیوبز کی درآمدات پر10.7 ارب روپے خرچ کئے تھے۔

Reference: http://urdu.app.com.pk