سپارکو کے ترقیاتی کاموں کیلئے 3 ارب 11 کروڑ روپے جاری

اسلام آباد ۔ 7 جنوری (اے پی پی) وزارت منصوبہ بندی ترقی و اصلاحات نے سرکاری شعبہ کے ترقیاتی پروگراموں میں سپارکو کے ترقیاتی کاموں کیلئے مجموعی طور پر اب تک تین ارب 11 کروڑروپے سے زیادہ کے فنڈز جاری کر دیئے گئے ہیں۔ حکومت نے اس کے ترقیاتی کاموں کیلئے رواں مالی سال کے دوران 2 ارب 90 کروڑ روپے سے زائد کے فنڈز مختص کئے ہیں جبکہ غیرملکی امداد کی مد سے دو ارب 62 کروڑ روپے سے زیادہ فنڈز مختص کئے گئے ہیں۔ پلاننگ کمیشن کی طرف سے جاری کردہ اعدادوشمار کے مطابق حکومت نے پاکستان ریموٹ سین سینگ سیٹلائٹ کراچی ، لاہوراور اسلام آباد کیلئے 41کروڑ 34 لاکھ ، گلگت بلتستان میں ریسرچ سینٹر کیلئے 8کروڑ روپے سمیت مختلف ترقیاتی منصوبوں کیلئے فنڈز جاری کر دیئے ہیں۔

Reference: http://urdu.app.com.pk

سبزیوں کی برآمدات میں پانچ ماہ کے دوران 47.90 فیصداضافہ ہوا، شماریات بیورو

اسلام آباد ۔ 03جنوری(اے پی پی)رواں مالی سال 2018-19ءکے ابتدائی پانچ ماہ میں جولائی تا نومبر کے دوران سبزیوں کی قومی برآمدات میں 47.90 فیصد کا اضافہ ہوا ہے۔ ادارہ برائے شماریات پاکستان (پی بی ایس) کے اعدادوشمار کے مطابق جاری مالی سال میں جولائی تا نومبر 2018ءکے دوران سبزیوں کی برآمدات کا حجم 6 کروڑ 74لاکھ 73ہزار ڈالر تک پہنچ گیا۔ جبکہ گزشتہ مالی سال میں جولائی تا نومبر 2017ءکے دوران سبزیوں کی برآمدات سے 4 کروڑ 56لاکھ 21ہزار ڈالر کا زرمبادلہ کمایا گیا تھا۔اس طرح گزشتہ مالی سال کے مقابلہ میں جاری مالی سال کے دوران سبزیوں کی برآمدات میں 47.90 فیصد کا نمایاں اضافہ ریکارڈ کیا گیا۔

Reference: http://urdu.app.com.pk

رواں مالی سال کے دوران ٹیکسٹائل کی برآمدات میں 0.5 فیصد اور نٹ ویئرز میں 10 فیصد اضافہ

اسلام آباد ۔ 21 دسمبر (اے پی پی) رواں مالی سال 2018-19ءکے دوران ٹیکسٹائل کی قومی برآمدات میں مجموعی طور پر 0.5 فیصد جبکہ نٹ ویئرز کی برآمدات میں 10 فیصد کا اضافہ ہوا ہے۔ ادارہ برائے شماریات پاکستان (پی بی ایس) کے اعدادوشمار کے مطابق جولائی تا اکتوبر 2018ءکے دوران 4407 ملین ڈالر کی برآمدات کی گئی ہیں جبکہ گذشتہ مالی سال کے اسی عرصہ کے دوران ٹیکسٹائل کی مجموعی برآمدات کا حجم 4389 ملین ڈالر رہا تھا۔ اس طرح گذشتہ مالی سال کے مقابلہ میں جاری مالی سال کے پہلے چار ماہ کے دوران ٹیکسٹائل کی ملکی برآمدات میں صرف 18 ملین ڈالر یعنی 0.5 فیصد کے قریب اضافہ ہوا ہے۔ پی بی ایس کے مطابق گذشتہ مالی سال کے مقابلہ میں رواں مالی سال کے دوران نٹ ویئرز کی برآمدات میں 10 فیصد کا نمایاں اضافہ ہوا ہے اور برآمدات کا حجم ابتدائی چار ماہ کے دوران 872 ملین ڈالر کے مقابلہ میں 963 ملین ڈالر تک بڑھ گیا۔ اسی طرح بیڈ ویئرز کی برآمدات 2 فیصد کے اضافہ سے 755 ملین ڈالر کے مقابلہ میں 771 ملین ڈالر تک بڑھی ہیں جبکہ سوتی کپڑے کی برآمدات میں 2 ملین ڈالر کی کمی سے برآمدات کی مالیت 715 ملین ڈالر کے مقابلہ میں 713 ملین ڈالر تک کم ہو گئیں۔

Reference: http://urdu.app.com.pk