حفاظ قرآن شوگر ، بلڈ پریشر اور ڈپریشن سے محفوظ رہتے ہیں ، نئی تحقیق

جدہ (این این آئی)قرآن کریم کی کرامات و معجزات بے شمار و لاثانی ہیں جن میں کسی قسم کی شک کی گنجائش ہی نہیں ہوتی ۔عظیم آسمانی کتاب میں بنی نوع انسان کی ہدایت و رہنمائی ، اصلاح و بھلائی کے قواعد و ضوابط موجود ہیں ۔ صدیوں سے علماومفکریں اس عظیم کتاب پر تحقیق کرتے ہیں اور نئے نئے معجزات سامنے آتے ہیں ۔ سعودی اخبار کے مطابق سعودی عرب کے مشرقی صوبے القصیم یونیورسٹی کے شعبہ طب میں کی گئی تحقیق میں یہ بات سامنے آئی کہ حافظ قرآن افراد کا دماغ عام افراد سے زیادہ قوی ہوتا ہے ۔

81 فیصد حفاظ شوگر ، بلند فشار خون کے علاوہ ڈپریشن کا مرض لاحق نہیں ہوتا ۔قصیم یونیورسٹی کے ڈاکٹروں کی ٹیم نے کافی عرصے تک متعدد افراد کا جائزہ لیا ۔ تحقیق میں یہ بات سامنے آئی کہ وہ افراد جنہو ں نے کم از کم 10 سپارے حفظ کررکھے ہیں۔ ان میں ڈپریشن 81 فیصد ، شوگر 71 فیصد اور بلڈ پریشر کا مرض 64 فیصد ان افراد کے مقابلے میں کم ہے جنہو ں نے محض چند صورتیں ہی حفظ کی ہیں ۔ طبی تحقیقی ٹیم نے بریدہ کی مساجد سے لوگوں کا انتخاب کیا جن کی عمر55 برس اور اس سے زائد تھی ۔

The post حفاظ قرآن شوگر ، بلڈ پریشر اور ڈپریشن سے محفوظ رہتے ہیں ، نئی تحقیق appeared first on JavedCh.Com.

Reference: http://javedch.com/healthنوٹ: یہ مضمون عام معلومات کے لیے ہے۔ قارئین صحت کے با رے ميں کسی بھی مضمون کے حوالے سے اپنے ڈاکٹر سےلازمي مشورہ لیں۔

موبائل فون کے بے جا استعمال کی وجہ سے کون سی خطرناک بیماری پھیل رہی ہے؟ خاص طورپر بچوں میں کون سے امراض پیداہورہے ہیں؟ماہرین کے انتہائی تشویشناک انکشافات

پشاور(آن لائن) موبائل فون کے بے جا استعمال اور ہینڈ فری کے حد سے زیادہ استعمال کے باعث بہر ہ پن کا مرض پاکستان میں شدت اختیارکر رہاہے۔جبکہ بچوں کو کا ن پر تھپڑ مارنے سے بھی بہر ہ پن میں اضافہ ہو رہا ہے۔ والدین ، اساتذہ کی لا علمی کے باعث بچوں کو کانوں پر تھپڑ مارے جا رہے ہیں بہر ہ پن کی بڑی وجہ شوگر بھی ہے۔ سارک ممالک میں بہرہ پن جیسے امراض بہت تیزی سے شدت اختیارکررہے ہیں۔ آگاہی کی کمی کے باعث پاکستان میں مرض شدت اختیار کر رہاہے۔ ماہرین صحت کے مطابق گلہ ،کان ، ناک کے

امراض جس تیزی سے شدت اختیارکررہے ہیں اس حوالے سے لوگوں میں آگاہی پیدا کرنے کی ضرورت ہے بچوں کو کان پرتھپڑ مارنے سے گریز کیاجائے۔ بیشتر بچوں کو کان پر تھپڑ لگنے کے باعث پردے میں سوراخ ہو جاتا ہے اور بچوں کے کان سے خون نکلتا ہے۔ پھر آپریشن کے ذریعے نیا پردہ لگانا پڑتا ہے۔ سرکاری تعلیمی اداروں اور پرائیویٹ مقامات ، مستریوں کے پا س کام کرنے والے شاگردوں کو بیشتر اوقات اساتذہ یا سینئر کانوں پر تھپڑ مار رہے ہیں۔ جس کے باعث بیشتر بچوں کے کان کے پردے پھٹ جاتے ہیں۔

The post موبائل فون کے بے جا استعمال کی وجہ سے کون سی خطرناک بیماری پھیل رہی ہے؟ خاص طورپر بچوں میں کون سے امراض پیداہورہے ہیں؟ماہرین کے انتہائی تشویشناک انکشافات appeared first on JavedCh.Com.

Reference: http://javedch.com/healthنوٹ: یہ مضمون عام معلومات کے لیے ہے۔ قارئین صحت کے با رے ميں کسی بھی مضمون کے حوالے سے اپنے ڈاکٹر سےلازمي مشورہ لیں۔

روزے کی حالت میں آنکھ اور کان میں دوا ڈلوانے ، خون کے ذریعے شوگر چیک کرنے ، انسولین یا کسی بھی قسم کا انجکشن لگانے سے روزہ نہیں ٹوٹتا ہے. ماہرین نے واضح کردیا

کراچی (این این آئی)ملکی و غیر ماہرین صحت نے کہا ہے کہ دل ، گردے اور شوگر کے امراض میں مبتلا افراد ڈاکٹروں کے مشورے سے نہایت آسانی کے ساتھ پورے رمضان کے روزے رکھ سکتے ہیں ،مریضوں کو چاہیے کہ وہ رمضان کا مہینہ شروع ہونے سے پہلے اپنے معالجین سے مشورہ کر لیں ۔اتائیوں کے پاس جانے سے گریز کریں، روزے کی حالت میں آنکھ اور کان میں دوا ڈلوانے ، خون کے ذریعے شوگر چیک کرنے ، انسولین یا کسی بھی قسم کا انجکشن لگانے سے روزہ نہیں ٹوٹتا۔

حاملہ خواتین روزہ رکھ سکتی ہیں لیکن اگر ان کی اور ان کے بچے کی جان کو خطرہ ہو تووہ روزہ توڑ سکتی ہیں۔ان خیالات کا اظہارماہرین نے کالج آف فزیشن اینڈ سرجن پاکستان میں منعقدہ پانچویں رمضان اور زیابطیس کانفرنس کے اختتامی روز خطاب کرتے ہوئے کیا ، کانفرنس کا انعقاد بقائی انسٹی ٹیوٹ آف ڈائیبٹالوجی اینڈ کرائنالوجی ،رمضان اور حج اسٹڈی گروپ نے ڈار انٹرنیشنل الائنس کے تعاون سے کیا تھا، کانفرنس سے برطانیہ، قطر، سعودی عرب،متحدہ عرب امارات، مصر،ترکی سمیت مشرق بعیداور افریقہ کے ماہرین نے شرکت کی ،کانفرنس سے انٹرنیشنل ڈائبٹیز فیڈریشن کے اعزازی صدرپروفیسرعبد الصمد شیرا، معروف گائناکولوجسٹ ڈاکٹر شبین ناز مسعود ، متحدہ عرب امارات سے آئی ہوئی ماہر ڈاکٹر اسما دیب، برطانوی ماہر زیابطیس ڈاکٹر عظمیٰ خان، ڈاکٹر عبد الجبار اور کانفرس کے آرگنائزنگ کمیٹی کے چیئرمین پروفیسر یعقوب احمدانی نے بھی خطاب کیا۔ کانفرنس سے خطاب کرتے ہوئے برطانوی ماہر صحت اورکارنیل یونیورسٹی دوحہ سے وابستہ پروفیسر ریاض ملک کا کہنا تھا کہ گردے کے امراض میں مبتلا افراد حتیٰ کہ وہ لوگ جو ڈائیلیسز کروا رہے ہیں وہ بھی روزہ رک سکتے ہیں لیکن انہیں اپنے معالج سے مشورہ ضرور کرنا چاہیے،ان کا کہنا تھا کہ گردے کے مریضوں پر ترکی ،سعودی عرب اور پاکستان میں ہونے والی تحقیق سے پتہ چلا ہے کہ روزے کا گردوں کی بیماری میں مبتلا افراد پر کوئی منفی اثر نہیں پڑتا،

لیاقت نیشنل اسپتال سے وابستہ ماہر امراض قلب ڈاکٹر کلیم اللہ شیخ کا کہنا تھا کہ دل کے مریضوں کے لیے روزے فوائد بے تحاشہ ہے کیوں کہ روزہ رکھنے سے انسان کے کولیسٹرول، بلڈ پریشر اور وزن میں کمی ہوتی ہے جس سے دل کے دورے کے امکانات کم ہوجاتے ہیں،ان کا کہنا تھا کہ یہ بات اب تحقیق سے ثابت ہو چکی ہے کہ روزہ رکھنے سے بلڈ پریشر میں کمی آتی ہے اومحض چند ڈگری بلڈ پریشر کم ہونے سے دل کے دورے کے امکانات کافی حد تک کم ہوجاتے ہیں، اسی طریقے سے روزہ نقصان دہ کولیسٹرول کو کم کرنے اور موٹاپے میں کمی کا سبب بھی بنتا ہے

جس کے بے شمار طبی فوائد ہیں،دارالعلوم کراچی سے وابستہ مفتی نجیب خان کہنا تھا کہ روزے داروں کو اپنے ڈاکٹر کے مشورے سے روزہ رکھنے یا نہ رکھنے کا فیصلہ کرنا چاہیے اور اگر ان کا ڈاکٹر انہیں کسی بات سے منع کرے تو انہیں اس کی رائے کو مقدم جاننا چاہیے ، حاضرین کے سوالوں کا جواب دیتے ہوئے انہوں نے بتایا کہ شرعی طور پر کانوں اور آنکھوں میں دوا ڈالنے ، روزے کی حالت میں سوئی چبھوکر شوگر چیک کرنے ، انجکشن اور ڈرپ لگوانے اور دانت نکلوانے سے روزہ نہیں ٹوٹتا، ان کا کہنا تھا کہ روزے کی حالت میں اگر جان جانے یا جسم کے اعضاء کو ناقابل تلافی نقصان پہنچنے کا خدشہ ہو تو روزہ توڑا جا سکتا ہے ، جس کے بدلے میں صرف قضا روزہ رکھنا ہوگا،

ان کا کہنا تھا کہ حاملہ خاتون اپنی یا اپنے بچے کی جان کو پہنچنے والے نقصان سے بچنے کے لیے روزہ توڑ سکتی ہے ، کانفرنس کی اختتامی تقریب سے خطاب کرتے ہوئے کنگ ایڈورڈ میڈیکل یونیورسٹی لاہور کے وائس چانسلر اور سی پی ایس پی کے وائس پریذیڈنٹ پروفیسر خالد مسعود گوندل نے کہا کہ زیابطیس اور رمضان کانفرنس کروڑوں مسلمانوں میں آگہی پھیلانے کا سبب بن رہی ہے جس کے لیے منتظمین مبارکباد کے مستحق ہیں ، انہوں نے اس موقع پر لوگوں سے اپیل کی کہ وہ اتائیوں کے پاس جانے کے بہ جائے ماہرین صحت اور ڈاکٹروں سے رجوع کریں تاکہ ان کی صحت کو ناقابل تلافی نقصان پہنچنے سے بچایا جا سکے ،معروف ماہر امراض زیابطیس پروفیسر ڈاکٹر عبد الباسط کا کہنا تھا کہ پاکستان کو ہزاروں پرائمر کیئر ڈاکٹروں کی ضرورت ہے تاکہ وہ زیابطیس کے مریضو ں کو پیچیدگی سے بچا سکیں ، انہوں نے اس موقع پر کالج آف فزیشن اینڈ سرجن پاکستان کوپیش کش کی کہ ان کا ادارہ زیابطیس کے پوسٹ گریویجویٹس تربیتی کورس مرتب کرنے کے لیے اپنی خدمات مہیا کر سکتا ہے جب کہ ان کے ماہرین اساتذہ کو بھی تربیت دے سکتے ہیں۔

The post روزے کی حالت میں آنکھ اور کان میں دوا ڈلوانے ، خون کے ذریعے شوگر چیک کرنے ، انسولین یا کسی بھی قسم کا انجکشن لگانے سے روزہ ٹوٹتا ہے یا نہیں؟ماہرین نے واضح کردیا appeared first on JavedCh.Com.

Reference: http://javedch.com/health

نوٹ: یہ مضمون عام معلومات کے لیے ہے۔ قارئین صحت کے با رے ميں کسی بھی مضمون کے حوالے سے اپنے ڈاکٹر سےلازمي مشورہ لیں۔

ہوشیار خبردار! دل کے مریض یہ دوا مت خریدیں ،گولیاں غیر معیاری نکلیں ، سٹاک اٹھانے کی ہدایت

اسلام آباد(مانیٹرنگ ڈیسک)دل کے مریضوں کیلئے دوا ایسکارڈ75کے 5بیچ غیر معیاری قرار، سٹاک اٹھا نے کی ہدایت۔وفاقی حکومت کے اینالسٹ نے ایٹکو کمپنی کی دل کی دوا ایسکارڈ 75 ایم جی کو غیر معیاری قرار دے دیا۔روزنامہ دنیا کے مطابق چیف ڈرگ کنٹرولر پنجاب نےبیچ نمبر AR220A. AR221A. AR215A. 18011.17192 کو غیر معیاری قرار دیاگیا۔

محکمہ صحت پرائمری اینڈ سیکنڈری نے دواکے استعمال کی روک تھام کے حوالے سے مراسلہ جاری کر دیا جس میں کہا گیا ہے تمام اضلاع کے ڈرگ انسپکٹرز ایسکارڈ دوا کے خراب بیچ کے سٹاک کو قبضہ میں لیں ، متعلقہ کمپنی کو بھی ہدایت کی گئی ہے مارکیٹ سے خراب بیچ فوراً اٹھا لئے جائیں۔

The post ہوشیار خبردار! دل کے مریض یہ دوا مت خریدیں ،گولیاں غیر معیاری نکلیں ، سٹاک اٹھانے کی ہدایت appeared first on JavedCh.Com.

Reference: http://javedch.com/healthنوٹ: یہ مضمون عام معلومات کے لیے ہے۔ قارئین صحت کے با رے ميں کسی بھی مضمون کے حوالے سے اپنے ڈاکٹر سےلازمي مشورہ لیں۔

دنیا بھر میں کتنے ارب سے زائد افرادپینے کے صاف پانی سے محروم ہیں، عالمی ادارے یونیسکوکی تازہ رپورٹ جاری

نیویارک(این این آئی)دنیا بھر میں دو اعشاریہ ایک ارب انسانوں کو صاف پانی تک رسائی حاصل نہیں ہے۔ دنیا میں چار اعشاریہ تین ارب انسانوں کو محفوظ بیت الخلاء کی سہولیات میسر نہیں ہیں،میڈیارپورٹس کے مطابق یہ حقائق عالمی ادارے یونیسکو کی طرف سے پانی سے متعلق جاری ہونے والی تازہ رپورٹ میں بتائے گئے۔

متاثرین کی نصف تعداد کا تعلق براعظم افریقہ سے ہے۔ اقوام متحدہ کی اس تنظیم کے مطابق یورپ اور جنوبی امریکا میں بھی ستاون ملین افراد اپنے گھروں میں صاف پانی کی فراہمی سے محروم ہیں۔ اسی رپورٹ کے مطابق دنیا میں چار اعشاریہ تین ارب انسانوں کو محفوظ بیت الخلاء کی سہولیات میسر نہیں ہیں۔

The post دنیا بھر میں کتنے ارب سے زائد افرادپینے کے صاف پانی سے محروم ہیں، عالمی ادارے یونیسکوکی تازہ رپورٹ جاری appeared first on JavedCh.Com.

Reference: http://javedch.com/healthنوٹ: یہ مضمون عام معلومات کے لیے ہے۔ قارئین صحت کے با رے ميں کسی بھی مضمون کے حوالے سے اپنے ڈاکٹر سےلازمي مشورہ لیں۔