ایک سیارچہ 22 مارچ کو دنیا کے قریب سے گزرے گا: ناسا

امریکی خلائی ادارے ناسا نے  متنبہ کیا ہے کہ  ای اے ٹو نامی ایک   سیارچہ  دنیا سے 3 لاکھ 5 ہزار کلومیٹر دور سے گزرے گا۔

  ماہرین   کا کہنا ہےکہ   یہ سیارچہ 22 مارچ کو   گزرے گا  جس کا فاصلہ  چاند اور دنیا کے درمیان  فاصلے  سے 80 ہزار کلومیٹر مزید  کم ہوگا۔

 اس سیارچےکی رفتار    5 کلومیٹر فی سیکنڈ ہوگی  جس کا قطر  18 تا 40 میٹر کے درمیان  ہوگا۔

ناسا نے  گزشتہ سال  ستمبر میں  بھی  ایک  ایس پی ون نامی سیارچے  کے زمین کے قریب سے گزرنے کا اعلان کیا تھا جس کا قطر  70 تا 160 میٹر کے درمیان تھا  جو کہ دنیا سے 5 اعشاریہ 87 ملین کلومیٹر دور سے گزر گیا  تھا ۔

 

Reference: http://www.trt.net.tr/urdu

انڈونیشیا میں 5 شدت کا زلزلہ،عوام میں خوف و ہراس

انڈونیشیا کے  جزیرے سولا ویسی   زلزلےسے لرز اٹھا۔

 ملکی محکمہ موسمیات کے مطابق ، اس زلزلے  کی شدت 5 تھی جس کا مرکز   ڈونگ گالا  علاقے  سے 52 کلومیٹر دور  شمال مغرب  میں زیر زمین 10 کلومیٹر گہرا تھا ۔

حکام کا کہنا ہےکہ فی الوقت اس  زلزلے  سے کسی جانی یا مالی نقصان کی اطلاع نہیں ملی ۔

 گزشتہ سال بھی جزیرے  پر 7اعشاریہ 5 شدت کے زلزلے نے تباہی مچا دی تھی جس کے  نتیجے میں  4 ہزار 340 افراد ہلاک ہو گئے تھے۔

 

Reference: http://www.trt.net.tr/urdu

بھارت: سوائن فلو کی وجہ سے ہلاکتوں کی تعداد 605 تک پہنچ گئی

بھارت میں رواں سال کے آغاز سے لے کر اب تک سوائن فلو کی وجہ سے ہلاکتوں کی تعداد 605 تک پہنچ چکی ہے۔

ٹائمز آف انڈیا  کی، بھارت کی وزارت صحت کے حوالے سے، شائع کردہ خبر کے مطابق رواں سال کے دوران ملک بھر میں 19 ہزار 380 سے زائد مریضوں  میںH1N1 وائرس یعنی  سوائن فلو کی تشخیص کی گئی ہے۔

اس وائرس کی وجہ سے ہلاک ہونے والوں کی تعداد 10 مارچ سے 605 تک پہنچ گئی ہے۔

بیماری  کی سب  سے زیادہ شدت  صوبہ راجھستان میں دیکھنے میں آئی ہے جہاں 4 ہزار 551 افراد وائرس کا شکار ہوئے جن میں 162 کی موت واقع ہو گئی جبکہ صوبہ گجرات میں 3 ہزار 969 افراد میں سوائن فلو کی تشخیص کی گئی  جن میں سے 118 مریض ہلاک ہو گئے تھے۔

نئی دہلی اور اس کے اطراف میں 3 ہزار 362 مریضوں میں سوائن فلو کی تشخیص کی گئی جن میں سے 7 مریض ہلاک ہو گئے تھے۔

Reference: http://www.trt.net.tr/urdu

بین الاقوامی آٹوموبیل فیسٹیول شروع ہو گیا

بین الاقوامی آٹوموبیل فیسٹیول نے 89  ویں دفعہ اپنے دروازے شائقین کے لئے کھول دئیے ہیں۔

سوئٹزر لینڈ کے شہر جنیوا میں منعقدہ اس میلے میں کثیر تعداد میں فرمیں ایک سے بڑھ کر ایک خوبصورت گاڑی کی نمائش کر رہی ہیں۔

فیسٹیول میں نیو جنریشن الیکٹرک ماڈلوں ، کانسیپٹ ماڈلوں اور اسپورٹس ماڈلوں کے ساتھ بڑے پیمانے پر دلچسپی کا مظاہرہ کیا جا رہا ہے۔

پیٹرول اور ڈیزل کی جگہ لینے والی الیکٹرک گاڑیاں رواں سال کی ہر دلعزیز گاڑیاں بن گئی ہیں۔

گاڑیوں کی پیداوار میں ماحولیاتی آلودگی بھی آجرین کے پیش نظر ہونے کی وجہ سے موئثر فیول سسٹم کے استعمال  کو اہمیت دی جا  رہی ہے ۔

فیسٹیول ایک لاکھ 10 ہزار مربع میٹر کے احاطے میں منعقد کیا گیا ہے اور اس میں 180 سے زائد فرموں  کی گاڑیاں نمائش کے لئے پیش کی گئی ہیں۔

فیسٹیول 17 مارچ تک جاری رہے گا۔

Reference: http://www.trt.net.tr/urdu

چین میں زلزلہ،2 افراد ہلاک

چینی صوبہ سی چوان  میں   4 اعشاریہ 9 شدت کے زلزلے    کے باعث 2 افراد ہلاک ہو گئے۔

 چینی محکمہ آفات  کے مطابق، یہ زلزلہ زگونگ شہر کے قصبے  رانگ شین میں زیر زمین 5  کلومیٹر گہرائی میں آیا ۔

  اس زلزلے میں 2 افراد  ہلاک ہو گئے ۔

 

Reference: http://www.trt.net.tr/urdu