فیفا کا بیچ سوکر ورلڈ کپ کے شیڈول کا اعلان

میونخ ۔ 10 اکتوبر (اے پی پی) فیفا نے بیچ سوکر ورلڈ کپ 2019ء کے شیڈول کا اعلان کر دیا ہے، میگا ایونٹ 21 نومبر سے پیراگوئے میں شروع ہوگا۔ فیفا کے مطابق ٹورنامنٹ میں دنیا بھر سے 16 ٹیمیں شرکت کریں گی جنہیں چار گروپوں میں تقسیم کیا گیا ہے، گروپ اے میں پیراگوائے، جاپان، سوئٹزرلینڈ اور امریکا گروپ بی میں یوروگوائے، میکسیکو، اٹلی اور ہیٹی گروپ سی میں بیلاروس، یو اے ای، سینیگال اور روس جبکہ گروپ ڈی میں برازیل، اومان، پرتگال اور نائیجیریا شامل ہے۔ ٹورنامنٹ کا افتتاحی میچ میزبان پیراگوائے اور جاپان کے درمیان کھیلا جائے گا، ہر ٹیم تین گروپ میچ کھیلے گی، ٹورنامنٹ کا فائنل یکم دسمبر کو کھیلا جائے گا۔

Reference: http://urdu.app.com.pk

اسلام آباد کا 150 رکنی دستہ نیشنل گیمز کے 21 کھیلوں کے مقابلوں میں شرکت کرے گا

اسلام آباد۔ 10 اکتوبر (اے پی پی)اسلام آباد کا 150 رکنی دستہ نیشنل گیمز کے 21 کھیلوں کے مقابلوں میں شرکت کرے گا۔ اسلام آباد اولمپک ایسوسی ایشن کی مینجمنٹ کمیٹی کے سیکرٹری رانا محمد سرور نے بتایاکہ نیشنل گیمز میں 31 کھیلوں کے مقابلے منعقد ہونگے جن میں اتھلیٹکس، آرچری، بیس بال، باسکٹ بال، فٹ بال، جمناسٹک، جوڈو، ویٹ لفٹنگ، تائیکوانڈو، بیڈمنٹن، روئنگ، سوئمنگ، شوٹنگ، سیلنگ، باڈی بلڈنگ، باکسنگ، سائیکلنگ، گالف، کراٹے، کبڈی، سکواش، سافٹ بال، ٹیبل ٹینس، ٹینس، رسہ کشی، ریسلنگ، رگبی، ہاکی، ہینڈ بال، والی بال اور ووشو شامل ہیں جبکہ اسلام آباد کا دستہ نیشنل گیمز کے21 کھیلوں کے مقابلوں میں حصہ لے گا۔ جن میں اتھلیٹکس، آرچری، جمناسٹک، جوڈو، ویٹ لفٹنگ، تائیکوانڈو، بیڈمنٹن، روئنگ، سوئمنگ، شوٹنگ، سیلنگ، باڈی بلڈنگ، باکسنگ، سائیکلنگ، گالف، کراٹے، سکواش، ٹیبل ٹینس، ٹینس، ریسلنگ اور ووشو شامل ہیں۔ انہوں نے کہا کہ نیشنل گیمز کیلئے مختلف کھیلوں کے ٹرائلز کیلئے ٹرائلز مکمل ہوچکے ہیں اور کھلاڑی تربیت مصروف ہیں، نیشنل گیمز 26 اکتوبر سے یکم نومبر تک پشاور میں کھیلی جائیں گی ۔

Reference: http://urdu.app.com.pk

قومی ٹیم ایشین ٹین پن باؤلنگ چیمپئن شپ میں شرکت کرے گی

اسلام آباد ۔ 10 اکتوبر (اے پی پی) پاکستان ٹین پن باؤلنگ فیڈریشن کے سیکرٹری جنرل اعجاز ارحمن نے کہا ہے کہ 7 رکنی قومی ٹیم ایشین ٹین پن باؤلنگ چیمپئن شپ میں شرکت کرے گی، میڈیا سے گفتگو کرتے ہوئے انہوں نے کہا کہ ایشین ٹین پن باؤلنگ چیمپئن شپ آئندہ 20 سے 30 اکتوبر تک کویت میں کھیلی جائے گی جس میں 16 ایشیائی ممالک کے مرد اور خواتین کھلاڑی حصہ لیں گے جن میں میزبان کویت ، پاکستان، بھارت، نیوزی لینڈ، فلپائن، ملائیشیا ، قطر، متحدہ عرب امارات، ایران، افغانستان، بحرین، سعودی عرب، چین، ہانگ کانگ، تھائی لینڈ اور مکائو شامل ہیں۔ چیمپئن شپ میں تین مختلف کیٹیگریز کے مقابلے منعقد ہونگے جن میں سنگلز، ڈبلز اور ٹیم ایونٹ شامل ہیں۔ انہوں نے کہا کہ پاکستانی ٹیم سات کھلاڑیوں پر مشتمل ہوگی جن میں محمد صالح، احمر عباس سڈھرا، علی سوریا، امجد محمود، عبداللہ، دنیال شاہ اور ساجد شاہ شامل ہیں۔ ٹیم کے ہمراہ خواجہ احمد بطور منیجر ہونگے۔ قومی ٹیم 19 اکتوبر کو کویت رووانہ ہوگی

Reference: http://urdu.app.com.pk

اینڈی مرے کا شنگھائی ماسٹرز اوپن ٹینس ٹورنامنٹ کے دوسرے رائونڈ میں سفر تمام

شنگھائی ۔ 09 اکتوبر (اے پی پی) برطانوی نامور ٹینس سٹار اور اولمپک چیمپئن اینڈی مرے سنگھائی ماسٹرز اوپن ٹینس ٹورنامنٹ مینز سنگلز کے دوسرے رائونڈ میں ہار کر ٹورنامنٹ سے باہر ہوگئے۔ چین میں جاری ایونٹ میں کھیلے گئے مینز سنگلز رائونڈ 32 میچز میں انگلینڈ کے اینڈی مرے کا مقابلہ اٹلی کے حریف کھلاڑی فابیو فوگنینی سے تھا جس میں فابیو فوگنینی نے سخت مقابلے کے بعد برطانوی کھلاڑی اینڈی مرے کو 7-6(7-4)، 2-6 اور 7-6(7-2) سے شکست دیکر ٹورنامنٹ سے باہر کر دیا۔

Reference: http://urdu.app.com.pk

سری لنکا نے پاکستان کو آخری ٹی ٹونٹی میچ میں 13 شکست دے کر سیریز میں 3-0 سے وائٹ واش کر دیا

لاہور۔9 اکتوبر(اے پی پی )سری لنکا نے پاکستان کو تیسرے اور آخری ٹی ٹونٹی انٹرنیشنل کرکٹ میچ میں 13 رنز سے شکست دے کر سیریز میں 3-0 سے وائٹ واش کر دیا، گرین شرٹس 147 رنز کے ہدف کے تعاقب میں مقررہ اوورز میں 6 وکٹوں کے نقصان پر 134 رنز بنا سکی، حارث سہیل کی ففٹی بھی ٹیم کو شکست سے نہ بچا سکی، اوشادا فرننڈو نے 78 رنز کی ناقابل شکست اننگز کھیل کر ٹیم کی جیت میں اہم کردار ادا کیا، ہسارنگا میچ اور سیریز کے بہترین کھلاڑی قرار پائے۔ بدھ کو قذافی اسٹیڈیم میں کھیلے گئے تیسرے اور آخری ٹی ٹونٹی میچ میں سری لنکن ٹیم کے کپتان ڈوسن شناکا نے ٹاس جیت کر پہلے بیٹنگ کا فیصلہ کیا تو مہمان سری لنکن ٹیم نے پہلے کھیلتے ہوئے مقررہ 20 اوورز میں 7 وکٹوں کے نقصان پر 147 رنز کا مجموعہ ترتیب دیا، گونا تھلیکا اور سمارا وکرما نے اننگز کا آغاز کیا، دونوں کھلاڑیوں نے ملکر ٹیم کے سکور کو 24 پر پہنچایا، اس موقع پر محمد عامر کی گیند پر وکٹ کیپر سرفراز احمد نے سماراوکرما کا وکٹوں کے پیچھے کیح ڈراپ کر دیا تاہم اسی اوور میں عامر نے گونا تھلیکا کو کلین بولڈ کر دیا، تھلیکا نے 8 رنز بنائے، اگلے ہی اوور میں عماد وسیم نے بھی دوسرے اوپنر سماراوکرما کو ایل بی ڈبلیو آﺅٹ کر کے پویلین کی راہ دکھا دی

Reference: http://urdu.app.com.pk