Author: Associated Press Of Pakistan

اسلام آباد ۔ 18 نومبر (اے پی پی) اسلام آباد فٹ بال ایسوسی ایشن کے زیر اہتمام اسلام آباد بی ڈویژن فٹ بال لیگ 23 نومبر سے اسلام آباد میں شروع ہو گی۔ اسلام آباد فٹ بال ایسوسی ایشن کے جنرل سیکرٹری سید شرافت حسین بخاری نے بتایا کہ لیگ میں اسلام آباد کی 24 ٹیمیں حصہ لے رہی ہیں۔ لیگ کے میچز اسلام آباد کی دو مختلف گراﺅنڈز پر کھیلے جائیں گے جن میں ٹی اینڈ ٹی گراﺅنڈ اور روور گراﺅنڈ شامل ہیں۔ انہوں نے کہا کہ لیگ کے ڈراز کے سلسلہ میں اسلام آباد فٹ بال ایسوسی کے ایشن آفس سیکرٹری محمد اسلم گنڈاپور سے رابطہ قائم کیا جاسکتا ہے۔

Reference: http://urdu.app.com.pk

میلبورن ۔ 18 نومبر (اے پی پی) پاکستان اور آسٹریلیا کی کرکٹ ٹیموں کے درمیان دو ٹیسٹ میچوں کی سیریز کا پہلا ٹیسٹ 21 نومبر سے برسبین میں شروع ہوگا، پاکستانی ٹیم اظہر علی کی قیادت میں میدان میں اترے گی جبکہ دیگر کھلاڑیوں میں اسد شفیق، بابر اعظم، عابد علی، حارث سہیل، افتخار احمد، امام الحق، عمران خان، کاشف بھٹی، محمد عباس، محمد رضوان، محمد موسیٰ، نسیم شاہ، شاہین آفریدی، شان مسعود اور یاسر شاہ شامل ہیں۔ ٹیسٹ سیریز سے قبل کھیلے گئے دو ٹور میچز میں پاکستانی بلے بازوں کی کارکردگی انتہائی شاندار رہی، سنیئر بلے باز اسد شفیق نے دونوں وارم اپ میچز میں سنچریاں بنائیں، بابر اعظم نے پہلے میچ میں 157 رنز کی ناقابل شکست اننگز کھیلی، افتخار احمد اور شان مسعود نے بھی اچھی بیٹنگ کا مظاہرہ کیا۔ آسٹریلوی ٹیم کی قیادت کے فرائض ٹم پائن انجام دیں گے جبکہ دیگر نمایاں کھلاڑیوں میں سٹیو سمتھ، ڈیوڈ وارنر، مچل سٹارک، نیتھن لائن، پیٹ کمنز اور جوش ہیزلووڈ شامل ہیں۔ دونوں ٹیموں کے مابین دوسرا اور آخری ٹیسٹ 29 نومبر سے 3 دسمبر تک ایڈیلیڈ میں کھیلا جائے گا۔

Reference: http://urdu.app.com.pk

سرگودھا ۔17نومبر(اے پی پی) بورڈ آف انٹرمیڈیٹ اینڈ سیکنڈری ایجوکیشن سرگودھا کے زیر اہتمام سرکاری و نجی کالجز کی خواتین ہاکی ٹیموں کے مابین جاری انٹر کالجز ٹورنامنٹ سپیریئر کالج سرگودھا نے جیت لیا ۔فائنل میں جوہر آباد کی ٹیم کو شکست دی۔ ٹورنامنٹ میں سرگودھا، خوشاب، میانوالی، بھکر کے کالجز کی ٹیموں نے حصہ لیا ۔سپیریئر کالج سرگودھا نے ٹورنامنٹ میں فائنل جیتنے والی ٹیم ناقابل شکست رہی۔ ونر ٹیم کی طالبات نے اپنی جیت کو مقبوضہ کشمیر کی مظلوم خواتین اور بچوں کے نام کیا ۔اس موقع پر کالج کے پرنسپل اور کوچ نے کامیابی پر ٹیم کو مبارکباد دی۔

Reference: http://urdu.app.com.pk

اسلام آباد ۔ 16نومبر(اے پی پی) قائد اعظم ٹرافی فور ڈے کرکٹ ٹورنامنٹ کے آٹھویں مرحلے کا آغاز پیر سے ہوگا اور تین میچز مخلتف مقامات پر شروع ہوں گے۔ پی سی بی کے زیر اہتمام میگا ٹورنامنٹ کے دلچسپ مقابلوں کا سلسلہ جاری ہے، ٹورنامنٹ کے 22 ویں میچ میں بلوچستان اور خیبرپختونخوا کی ٹیمیں ایبٹ آباد کرکٹ سٹیڈیم میں مدمقابل ہوں گی، سندھ اور سینٹرل پنجاب کی ٹیموں کے درمیان میچ نیشنل سٹیڈیم، کراچی میں شروع ہوگا جبکہ سدرن پنجاب اور ناردرن کی ٹیمیں راولپنڈی کرکٹ سٹیڈیم میں آمنے سامنے ہوں گی، سینٹرل پنجاب کی ٹیم 108 پوائنٹس کے ساتھ پہلے نمبر پر ہے۔

Reference: http://urdu.app.com.pk

پرتھ ۔ 16 نومبر (اے پی پی) پاکستان اور کرکٹ آسٹریلیا الیون کے مابین دو روزہ ٹور میچ ڈرا ہوگیا، دوسرے اور آخری روز کرکٹ آسٹریلیا الیون نے اپنی پہلی اننگز میں 7 وکٹوں کے نقصان پر 246 رنز بنائے، جوناتھن مرلو نے 78 رنز کی عمدہ اننگز کھیلی، دیگر بلے بازوں میں میتھیو سپورز 58 اور بریڈلی ہوپ (ناٹ آئوٹ) 50 رنز کے ساتھ نمایاں رہے۔ پاکستان کی جانب سے محمد عباس اور محمد موسیٰ نے دو، دو جبکہ کاشف بھٹی، یاسر شاہ اور افتخار احمد نے ایک، ایک وکٹ حاصل کی۔ واضح رہے کہ پاکستان نے اپنی پہلی اننگز 386 رنز 7 کھلاڑی آئوٹ پر ڈیکلیئر کر دی تھی۔ پاکستان اور آسٹریلیا کے درمیان سیریز کا پہلا ٹیسٹ 21 نومبر سے برسبین میں شروع ہوگا۔

Reference: http://urdu.app.com.pk