بھارت سے مضر صحت گوشت خرید کر پاکستانیوں کو کھلائے جانیکا انکشاف،گوشت کن مشہور ہوٹلوں پر بیچا جاتا تھا،جانئے

راولپنڈی(آن لائن) بھارت سے ناقص گوشت درآمد کر کے کیمیکل لگا کر قابل استعمال بنانے والا ڈیلر پکڑا گیا ۔ 4000کلو گرام سے زائد مضر صحت گوشت سے بھرا کنٹینر ضبط کر لیا گیا۔ تفصیلات کے مطابق ہفتہ کے روز راولپنڈی میں فوڈ اتھارٹی نے کارروائی کرتے ہوئے بھارت سے درآمد شدہ ناقص گوشت کا کنٹینر ضبط کر کے درآمد کرنے والے ڈیلر کو گرفتار کر لیا ۔ بھارت سے خفیہ طور پر گوشت منگوا کر راولپنڈی و اسلام آباد اور مختلف اضلاع میں سپلائی کیا جاتا تھا۔

اس درآمد شدہ گوشت پر ایکسپائری ڈیٹ تبدیل کر کے اور کیمیکل لگا کر قابل استعمال بنایا جاتا تھا اور بڑے بڑے ہوٹلز اور شاپس پر یہ گوشت فروخت کیا جاتا تھا ۔ فوڈ اتھارٹی نے کارروائی کرتے ہوئے 7 ہزار کلو سے زائد گوشت اور قیمہ برآمد کیا اور راولپنڈی کے کشمیر بازار میں ایک ریسٹورنٹ بھی سیل کر دیا ۔ فوڈ اتھارٹی نے مطالبہ کیا کہ ناقص گوشت درآمد کرنے کے خلاف ایف آئی اے کی جانب سے تحقیقات کی جائیں تاکہ غیر معیاری گوشت درآمد کرنے والے گروہ کو بھی بے نقاب کیا جا سکے ۔

The post بھارت سے مضر صحت گوشت خرید کر پاکستانیوں کو کھلائے جانیکا انکشاف،گوشت کن مشہور ہوٹلوں پر بیچا جاتا تھا،جانئے appeared first on JavedCh.Com.

Reference: http://javedch.com/healthنوٹ: یہ مضمون عام معلومات کے لیے ہے۔ قارئین صحت کے با رے ميں کسی بھی مضمون کے حوالے سے اپنے ڈاکٹر سےلازمي مشورہ لیں۔