بنگلہ دیش کرکٹ بورڈ کا زمبابوے کے خلاف ہوم ون ڈے اور ٹیسٹ سیریز کے شیڈول کا اعلان، سلہٹ بنگلہ دیش کا آٹھواں ٹیسٹ وینیو ہو گا

ڈھاکہ۔ 30 جولائی(اے پی پی)بنگلہ دیش کرکٹ بورڈ (بی سی بی) نے زمبابوے کے خلاف ہوم ون ڈے اور ٹیسٹ سیریز کے شیڈول کا اعلان کر دیا، سلہٹ 3 سے 7 نومبر تک پہلے ٹیسٹ کی میزبانی کرے گا، اس کے ساتھ ہی وہ بنگلہ دیش کا آٹھواں ٹیسٹ وینیو بن جائے گا۔ اعلان کردہ شیڈول کے تحت زمبابوین ٹیم دورے کے دوران میزبان ٹیم کے خلاف تین ون ڈے اور دو ٹیسٹ میچوں کی سیریز کھیلے گی، زمبابوین ٹیم 16 اکتوبر کو ڈھاکہ پہنچے گی اور وہ 19 اکتوبر کو ٹور ون ڈے میچ سے دورے کا آغاز کرے گی۔

Reference: http://urdu.app.com.pk